Géresi Kálmán: A nagy-károlyi gróf Károlyi-család oklevéltára második kötet (Budapest, 1883)
tem ; pridem per ipsam dominam Elenam in octavis festi Epiphaniarum Domini proxime preteriti a pretactis Georgio de Rezege et filys suis iuridice obtentam et iuxta adiudicacionem magnifici comitis Stephani de Bathor iudicis curie nostre eidem domine Elene legitime statutam spectantes, a manibus ipsius domine pro se minus iuste et indebite occupassent et occupatas conservarent de presentí, ipsam dominam Elenam de earumdem dominio excludendo potencia mediante, in dicte domine Elene preiudicium et dampnum valde magnum ; unde supplicatum extitit nobis dictisque prelatis et baronibus nostris pro parte prelibate domine Elene, ut eidem circa premissa de remedio dignaremur providere opportuno ; et quia nos neminem regnicolarum nostrorum suis iustis iuribus indebite destitui volumus seu privari, igitur fidelitati vestre firmiter precipiendo mandamus, quatenus habita presencium noticia, universis vicinis et commetaneis prefate possessionis Rezege ceterisque nobilibus comprovincialibus annotati comitatus Zathmariensis quibus decet et licet ad unum certum et brevem terminum ad facies dictorum pratorum et silvarum vestri in presenciam vocatis, si ab eisdem ad fidem ipsorum déo debitam fidelitatemque nobis et sacro nostro dyademati observandam, tacto dominice crucis signo coram vobis ac Emerico de Wra, aut Petro de Thykwd, sin Michaele de eadem, seu Gregorio de Saralyan, sive Andrea de Rapolth, neve Ladislao Fodor de Gench alys absentibus homine nostro et testimonio capituli ecclesie Waradiensis quod per ipsum capitulum ad id presencium serie transmitti iubemus, partibus eciam predictis vel earum legitimis procuratoribus ante octo dies diei seu termini execucionis huiusmodi inquisicionis et attestacionis partes inter predictas modo infrascripto fiendarum per vos modo premisso eisdem partibus prefigendi, per unum ex vobis scilicet iudicibus nobilium in aliqua possessionum seu porcionum possessionariarum parcium prenotatarum illac legitime vocatis et accersitis ac presentibus prestandam, ipsam dominam Elenam de prescriptis particulis pratorum et silvarum per prefatos Georgium ac Gregorium Blasium Johannem et Nicolaum exclusam fore ex huiusmodi vicinorum et commetaneorum nobiliumque comprovincialium veri• dicis attestacionibus comperieritis, extunc exclusis prius et
