Géresi Kálmán: A nagy-károlyi gróf Károlyi-család oklevéltára második kötet (Budapest, 1883)

relatum extitisset maiestati existenti habuissemus, eisdem Briccio Ladislao Jacobo et Valentino vigore aliarum literarum nostrarum donacionalium exinde confectarum in perpetuum contulissemus, mandassemusque serie similiter aliarum literarum nostrarum eosdem premisse nostre donacionis titulo in dominium eiusdem per vestrum et nostrum regium homines legitime faceré introduci, tandem ydem Briccius Ladislaus Jacobus et Valentinus alys diversis eorum negocys occupati, et signanter consvetudinarie legis regni nostri circa statuciones possessionarias vigore donacionum regalium faciendas observari solite penitus ignari et non experti, se ipsos in dominium prefate possessionis vigore ipsius nostre donacionis eis facte a data pretactarum literarum nostrarum donacionalium infra anni circulum prout de regni nostri consvetudine debuissent, introduci et eandem se ipsis statui faceré neglexissent, propter quod ydem formidarent se suo iure quod in antefata possessione Kenderes ex pretacta nostra donacione haberent posse destitui et privari, supplicans idem Briccius suo et aliorum quorum supra nominibus maiestati nostre humiliter et devote, ut ipsis superinde regali remedio dignaremur succurrere et subvenire ; verum licet antiqua consvetudinaria lege regni nostri requirente omnes tales possessiones seu iura possessionaria que per regalem maiestatem quibuscunque suis fidelibus in perpetuum donantur, et conformiter in quarum scilicet dominium tales pro quibus huiusmodi sunt donaciones se ipsos a die emanacionis literarum donacionalium regalium infra anni circulum introduci et easdem sibi ipsis statui faceré negligunt quoquomodo, rursus et iterum in ius regium et proprietatem regalem debent utique devolvi et derivari, sicque prefata possessio Kenderes (per) maiestatem nostram antefatis Briccio Ladislao Jacobo et Valentino modo quo supra donata propter lapsum termini statucionis prenarrate iterum ad manus nostras regias existât devoluta, tarnen nos tum consideratis fidelitatibus et fidelium serviciorum meritis memorati Briccy per eum maiestati nostre secundum possibilitatis sue exigenciam exhibitis et impensis, tum eciam multorum fidelium nostrorum pro ipsis Briccio Ladislao Jacobo et Valentino erga nostram interveniencium maiestatem precibus et supplicacionibus regia benignitate in-