Notitia hungáriae novae historico geographica (Budapest, 2011)

Matthias Belius: Comitatus Trentsiniensis

DE VICIS PROCESSUS TRANSMONTANI

331

9. ) Kochnacsowcze, Hungari Kochnács vocant, eadem valle, in meridiem repressus, tenuis viculus, et varie possessus.

10. ) Russikowcze, Hungaris Ruszikócz, valli impositus eidem, sed agro praeditus pinguiore; et qui, praeter turdorum, aucupia, pascuis proficit. Est iuris Szulyowszkiorum.

11. ) Hrezgyowcze, Hungaris Egresd, natale solum familiae cognominis, cui etiam paret, adscitis in possessionis communionem, Csetnekiis, et Vásárheliis. Viculus ex se tenuis; sed agro fertili, et duobus castellis insessus.

12. ) Malé-Chlevany, Hungaris Kis-Chlevan, vicus mediocris, gaudet tamen, praeter agrum frumentarium, vineis, et silvis, ditionis Chleván et Némák.

13. ) Welke'-Chliewany.

14. ) Petsenéd, Slavis, Petsenany, vicus mediocris, ditionis Bán, allodio herili instructus.

15. ) Otrhané-Osztraticze, Hungaris, Ronydos Sztre'cz, plurium in potestate. Id nominis ab iniquiore habitu, accepisse credunt, utraque enim lingua, Slavica et Hun[p. 310]gari- ca, lacerum, et pannosum, Osztraticz, significat.

16. ) Dworecz, adsedit priori, inter occasum et meridiem, solo, partim sementi idoneo, partim palustri, neque foeniseciorum parco. Possidetur a Csetnekiis, et Vásárheliis.

17. ) Dubowy-Diel, Hungaris Dubodiel, copiosus vicus, dimidio, a Jasztrabie, milliari, monti Inowecz, in meridiem subsitus. Agri ingenium, prioribus consimile. Censetur in dominatione Bánensi.

18. ) Csaklaschowcze, Hungarice, Csakldsz, quarta milliaris parte, infra priorem, in valle sepositus. Territorio effoeto est; sed apto tamen ad aucupandum. Est Ghilaniorum, quibus et sedem praebet. Infra hunc, ad tormenti iactum,

19. ) Czimenná, visitur, limitaneus Nitriensi provinciae, idemque silvis obsessus vicus, ditionis Bánensis.

20. ) Felső-Drskócz, Slavis Horné-Drskowcze, vallis eiusdem vicus, figulina, incolarum arte, insignis. Paret nobilibus Hódosy, et Leszka.

21. ) Alsó-Drskócz, Slavice, Dolne'-Drskowcze, solo est silvestri, vitis tamen, et frumenti, patienti. Possessio Kürthi et Farkas.

22. ) Welke' Chlewani, sen Nagy-Chleván, solo, quam superiores illi, meliusculo. Accedit, cogendi foeni, commoditas. Est in ditione Bánensi. [p. 311.]

23. ) Felső-Ozor, Slavis, Hornyá-Ozorowcze, modico intervallo, Bánóczio, occasum inter, et aquilonem, repressus. Agro laetatur fertili, amoeno item nemore. Haeredium est gentis Ottlik, quae insigni heic castello, sedem posuit.

24. ) Alsó-Ozor, Slavis, Dolnie-Ozorowcze, confinis ab aquilone, priori illi; sed possessio, inter Ottlikios, et Sándorios, dispertita.

25. ) Dezericze, Hungaris Deser, in eandem plagam sepositus, agro laxo et fertili. Possidetur a familiis, Desericzky, Rudnanszky, Bacho, Besznyák, Arvay, reliquis.

26. ) Farkaschka, exilis viculus, in prioris vicinia, agro sterili, ac silvoso: unde, aucupio dant operam incolae. Est possessio Vásárheliorum, et Csetnekyorum.

27. ) Hornani, Hungaris Horndn, limitaneus Farkaschkae; sed agro, multis modis, laudatiore. Est in censu ditionis Bánensis, herili villa rustica, reditus eximii, instructus.

28. ) Bobot-Lehota, agro est mediocri. Vicinissimus ei adhaesit