Kasza Péter (szerk.): Stephanus Brodericus - Epistulae (Bibliotheca Scriptorum Medii Recentisque Aevorum, Series Nova XIV., Argumentum Kiadó - Magyar Országos Levéltár, Budapest, 2012)
1539
344 Paul Ill’s Bull of Absolution to István Brodarics Rome, 30 May 1539 Manuscript used: MOL, I 1. bundle 1 Nr. 26. Pope Paul III absolves István Brodarics from any kind of excommunication or anathema or punishment, so that he can fulfil his duties as Bishop of Vác in dear c onscience. Paulus episcopus, servus servorum Dei dilecto filio Stephano Broderico presbytero Crisiensis diocoesis, decretorum doctori salutem et Apostolicam benedictionem. Apostolicae Sedis consueta clementia, ne dispositiones per eam de cathedralibus ecclesiis pro tempore factae valeant quolibet impugnari, sed personae ad eas promo- 5 vendae illis puro corde et sincera conscientia praesidere valeant, remedia, prout convenit, adhibet opportuna. Cum itaque nos hodie ecclesiae Waciensi ad praesens certo modo pastoris solatio destitutae de persona tua nobis et fratribus nostris ob tuorum exigentiam meritorum accepta, de fratrum eorundem consilio, Apostolica auctoritate providere teque illi in episcopum et pastorem praeficere intendamus. Nos, ne provisio io et praefectio praedictae, si forsan aliquibus sententiis, censuris et poenis ecclesiasticis ligatus sis, valeant propterea indebitae reputari, providere volentes te a quibusvis excommunicationis, suspensionis et interdicti aliisque ecclesiasticis sententiis, censuris et poenis a iure vel ab homine, quavis occasione vel causa latis, si quibus quomodo- libet innodatus exsistis ad hoc duntaxat, ut provisio et praefectio praedictae ac singulae 15 litterae Apostolicae desuper conficiendae suum sortiantur effectum, auctoritate praedicta, tenore praesentium absolvimus et absolutum fore nuntiamus,1 non obstantibus constitutionibus et ordinationibus Apostolicis ac dictae ecclesiae iuramento, confirmatione Apostolica vel quavis firmitate alia roboratis statutis et consuetudinibus, ceteris- que contrariis quibuscunque. 20 Nulli ergo omnino hominum liceat hanc paginam nostrae absolutionis et nuntiationis infringere vel ei ausu temerario contraire. Si quis autem hoc attemptare praesumpserit, indignationem Omnipotentis Dei ac Beatorum Petri et Pauli Apostolorum eius se noverit incursurum. Datum Romae apud Sanctum Petrum anno Incarnationis Dominicae millesimo quin- 25 gentesimo trigesimo nono tertio Kalendas Iunii. Pontificatus nostri anno quinto. Blosius 1 Pope Clement VII excommunicated János Szapolyai in the winter of 1529/30 because the latter formed an alliance with the Turks. The anathema pertained to his adherents who remained in his service as well, so Brodarics was also affected. 590
