Kasza Péter (szerk.): Stephanus Brodericus - Epistulae (Bibliotheca Scriptorum Medii Recentisque Aevorum, Series Nova XIV., Argumentum Kiadó - Magyar Országos Levéltár, Budapest, 2012)

1538

5

10

15

20

25

294

Letter of Credence by János Szapolyai to István Brodarics Buda, 29 March 1538

Manuscript used: HHStA, Ung. Akt. Fasc. 34. Konv. C, fol. 103.'

János Szapolyai gives full authorisation to István Brodarics to negotiate and reach an agreement with Ferdinand on his behalf.

Nos loannes Dei gratia rex Hungáriáé, Dalmatiae, Croatiae etc. Memoriae commendamus et recognoscimus per praesentes. Quod nos de fide, legalitate et prudentia ac rerum gerendarum sufficienti peritia Reverendi Domini Stephani Broderici episcopi Vaciensis, consiliarii et oratoris nostri, nobis sincere dilecti ad plenum confisi, animo deliberato et ex certa animi scientia hoc plenum mandatum nostrum, plenamque et omnimodam facultatem ad audiendum et recipiendum reale et corporale iuramentum serenissimi principis domini Ferdinandi, Dei gratia Romanorum regis semper augusti ac Germaniae, Hungáriáé, Bohemiae, Dalmatiae, Croatiae, Sclavoniae etc. regis, infantis Hispaniarum, archiducis Austriae, ducis Burgundiáé, Slesiae, Brabantiae, Stiriae, Carinthiae, Camiolae, Wirtembergae etc., principis Sveviae, marchionis Moraviae, comitis Habsburgi Tirolis etc., lantgravii Alsaciae, fratris, amici et confoederati nostri carissimi super pace, amicitia et fraternitate et perpetua confoederatione cum sua ac sacra caesarea et catholica maiestatibus, fratre suae maiestatis facta et inita, ad recipiendum et exigendum a sua maiestate litteras super hoc et aliis articulis huiusmodi pacis amicitiae, fraternitatis et confoederationis contentis. Immo alia, quaecunque in huiusmodi articulis continentur, cum sua maiestate agendi, tractandi et concludendi, perinde ac si nos personaliter interessemus mandatumque nostrum magis speciale, quam praesentibus est expressum, ista exigerent, dedimus, prout damus per praesentes, promittentes in nostro verbo regio, ut quicquid per dictum oratorem nostrum cum praefato domino Romanorum etc. rege nomine nostro super praemissis actum, tractatum et conclusum fuerit, ratum, gratum et acceptum habebimus, ac firmiter et inviolabiliter observabimus, nec ullo unquam tempore illi verbo vel facto, directe vel indirecte reclamare vel opponere volumus harum nostrarum vigore et testimonio litterarum.

Datum Budae vigesima nona die Martii, anno Domini MDXXXVI1I, regnorum vero nostrorum duodecimo. 1

1 Another manuscript: HHStA, RHK, Reichsregisterbticher Ferdinand I.. Band 4., fol. I lr-v.

518