Hajnal István: Az 1642. évi meghiúsult országgyűlés időszaka (Budapest, 1930)

Iratok

tanos, ob promissam quidem stricta assecuratione solutionem, verum a triennio jam denegatam et substractam, prorsus desperatos et efferatos redditos, in perniciem et depopulationem miserae plebis esse convertos, qui non modo Turcas crebro lacessere, excursionesque suscipere, sed insuper miseram plebem invadere, gravesque et intolerabiles iniurias rerumque omnium direptiones in eam exercere non cessant, eoque pacto sese sustentare coguntur, prout non desint gravissimae regnicolarum querelae et lamentationes superinde Suae Matti repraesentatae, et minae, fore propediem, ut populus et milites praesidiarii infestis armis concurrant, ut proinde non immerito timeri possit, ne regnum per Turcarum invasionem et similia mala intestina, in grave periculum incurrat, secumque plures provincias Christianas trahat, quibus quidem periculis inde subsequi et emergere valentibus Sua Matas mature praevenire, salutique et permansioni eiusdem regni provisum et consultum esse volens, tam mille equites illos in subsidium defensionis quantocyus conduci, quam etiam solutionem dictis confiniariis antemontanis impendi, prout et confiniis principalioribus tam in superiori quam inferiori regni partibus de annona munitione et aliis necessitatibus provideri curare benigne decrevit. Cum autem clementer advertat Sua Matas instantibus eiusmodi regni necessitatibus per decreta et intimationes non satis efficaciter consuli. Ideo praefata Sua Mtas ad praevenienda ingruentia mala et pericula ne etiam regnum hoc suum Hungáriáé deseruisse videatur, in audientia consilii Hungarici clementer sese resolvit, dominum Joannem Bartholomaeum Schelharth, Viennam ac inde Posonium atque etiam ad dominum palatinum expediendum esse. Cuius erit primo quidem dnum comitem Paulum Palffi adire, sumptusque ad conductionem mille equitum, uti iam Sua Matas informaretur, paratos, statim et cum effectu per manus tradere, deinde Posonii in camera, quid de proventibus tam ordinariis, quam media tricesima in promptu habeatur, cognoscere. Et quia camera Hungarica ad eiusmodi expensas faciendas insufficiens esset, ex aliis provinciarum Suae Mattis, redditibus et contributionibus, de solutione potissimum confiniis antemontanis statim prospicere, ac defacto ad sex, ut minimum, menses eos exolvere. Praeterea confiniis principalioribus, tam superioris Hungáriáé, quam etiam antemontanis, de annona et munitione, aliisque in casu hostilis Turcarum irruptionis necessariis, quemadmodum etiam