C. Tóth Norbert: A pozsonyi társaskáptalan archontológiája / Archontológia Prešpurskej kolegiátnej kapituly 1204–1462 - Subsidia ad historiam medii aevi Hungariae inquirendam 12. (Budapest, 2020)
Függelék / Príloha
Függelék / P ríloha 151 tuo impositionem presentialiter de eisdem, quocirca honorabilibus et circumspectis viris, dominis preposito, custodi singulisque canonicis et toti capitulo ecclesie Posoniensis memorate in virtute sancte obedientie firmiter committentes precipimus, quatenus te in canonicum dicte ecclesie et confratrem recipiant et admittant in realemque corporalem et actualem possessionem dictorum canonicatus et prebende inducant stallo in choro voceque et loco in capitulo cum plenitudine iuris canonici assignatis, de universis et singulis proventibus, redditibus, obventionibus, emolimentis eorundem canonicatus et prebende tibi plenarie respondeant et per hos, quorum interest aut interesse poterit, faciant locis et temporibus opportunis integre semper responderi, in quorum omnium et singulorum fidem et testimonium premissorum presentes litteras fieri nostrique sigilli anularis impensione fecimus communiri. Datum et actum Wienne, quinta die mensis Octobris, anno Domini millesimo quadringentesimo quadragesimo quinto. 9 1445. október 17. Pozsony, a Szent Márton- másképp Üdvözítő-egyház sekrestyéje. Brünni Eysner Vencel fia: Vencel császári közjegyző írásba foglalja, hogy bécsújhelyi Lveytel Cristannus fiát, Györgyöt a pozsonyi társaskáptalan tagjai beiktatták a Szécsi Dénes bíboros, esztergomi érsek által neki adott javadalomba. Hártyán, díszített kezdő nagy I betűvel, a szöveg alatt a közjegyző jelvényével és záradékával. Pozsonyi kápt. mit. R-l-2. (DF 228282.) In nomine Domini, Amen. Anno nativitatis eiusdem millesimo quadringentesimo quadragesimo quinto, indictione octava, die vero solis, XVII mensis Octobris, hora tertiarum vel quasi, in sacristia ecclesie collegiate Sancti Martii alias Sancti Salvatoris Posonii Strigoniensis dyocesis, pontificatus sanctissimi in Christo patris et domini nostri, domini Eugénii divina providentia pape quarti, anno ipsius quintodecimo, in mei notarii publici subscripti testiumque infrascriptorum presentia constitutus personaliter honorabilis vir dominus Georgius natus Cristanni Lveytel de Nova Civitate presbiter Salczburgensis dyocesis, canonicus ecclesie collegiate Sancti Martini predicte coram honorabilibus et circumspectis viris, dominis eiusdem ecclesie Sancti Martini canonicis capitulariter congregatis habens et tenens in suis manibus quasdam litteras confirmationis et investiture reverendissimi in Christo patris et domini, domini Dyonisii divina apostolicaque gratia Sacrosancte Romane ecclesie et Sancti Ciriaci in Tennis presbiteri cardinalis, archiepiscopi alme ecclesie Strigoniensis locique eiusdem comitis perpetui, primatis et Apostolice Sedis legati nati in pergameno conscriptas sigillo suo anulari rubee cere glauce cere figure rotunde impresso, in zonula sericea ab infra dependenti, quarum litterarum virtute et vigore idem dominus Georgius canonicus predictos dominos canonicos capitulariter, ut prefertur, congregatos requisivit et monuit, quatenus ipsum in eorundem fratrem et concanonicum recipere et assummere dignarentur, sic videlicet, ut eidem stallum in choro et vocem in capitulo assignarent, de fructibus quoque eiusdem canonicatus et redditibus unacum plenitudine iuris canonici responderent et, ad quos
