C. Tóth Norbert-Lakatos Bálint-Mikó Gábor: A pozsonyi prépost és a káptalan viszálya (1421-1425). A szentszéki bíráskodás Magyarországon - a pozsonyi káptalan szervezete és működése a XV. század elején - Subsidia ad historiam medii aevi Hungariae inquirendam 3. (Budapest, 2014)

Oklevéltári rész - Oklevelek

I

10 (1425. január 20.)

283

1 Visis omnibus et singulis premissis ac aliis omnibus et singulis coram nobis deductis, que partes ipse per se vel per procuratores dicere et allegare voluerunt verbo, in scriptis, semel et pluries visaque conclusione super premissis et super hiis habita plena et matura deliberatione 5 unacum domino nostro archiepiscopo et aliis dominis de capitulo. Nos itaque cognoscentes, quanti sic excessus quantumque canonicis obviet institutis ordinarium suum iustitiam ministrare, volentem taliter contempnere et membra sua sic perturbare ausu inconsulto excecatus, ignorans, quod per hoc suis statu et dignitate se de iure indignum 10 cum suarum causarum iactura reddidit nec cogitando, quod indebite clericos detinendo penas canonis siquis suadente incurrere possit et ad restitutionem spoliorum ante omnia esset compellendus, ideo Christi et Beate Virginis Marie matris eius, Beati Adalberti et Sancti Martini confessoris nominibus invocatis per hanc nostram sententiam 15 diffinitivam, quam ferimus, in hiis scriptis dicimus et declaramus omnia

predicta per dominum prepositum de facto indebite et iniuste esse et fuisse presumpta et attemptata nec cuiquam de iure sine suis statu et causarum detrimento predicta licere nec licuisse. In quorum fidem et testimonium premissorum presentes litteras nostras cum appensione 20 sigillorum nostrorum unacum subscriptione notarii publici infrascripti munimine roboratas duximus concedendum.

Lecta, lata et pronuncciata est hec sententia diffinitiva in porticu alme ecclesie Strigoniensis circa altare Sancti Nicolay confessoris, quem locum pro ipsa sententia ferenda duxeramus deputandum, anno Domini 25 millesimo quadringentesimo vicesimoquinto, indictione tertia, die vero vicesima mensis Ianuarii, hora vesperorum vel quasi, pontificatus sanctissimi in Christo patris et domini, domini Martini divina providentia pape quinti anno octavo, presentibus ibidem honorabilibus et egregiis viris dominis Martino Sancti Georgii de Viridicampo Strigoniensis et 30 Paulo Sancti Thome martirum de promontorio Strigoniensis ecclesiarum prepositis, Thoma decretorum Nitriensi et magistro Iohanne artium professore in medicinis doctoribus Hwntensi, Andrea Kamaroniensi, Gregorio Zoliensi archidiaconis, Andrea de Scepus artium liberalium professore, Emerico de Tolna et Francisco canonicis ecclesie Strigoniensis 35 predicte necnon Stephano plebano ecclesie Sancti regis Ladislai de Nova civitate Strigoniensis specialiter rogatis et aliis quampluribus personis fidedignis ibidem tunc presentibus.

T-------------------------------------------I------V