C. Tóth Norbert-Lakatos Bálint-Mikó Gábor: A pozsonyi prépost és a káptalan viszálya (1421-1425). A szentszéki bíráskodás Magyarországon - a pozsonyi káptalan szervezete és működése a XV. század elején - Subsidia ad historiam medii aevi Hungariae inquirendam 3. (Budapest, 2014)
Oklevéltári rész - Oklevelek
266 7 (1425. január 20.) 1 Unde premissis sic Posonii peractis et die XV Decembris in causa premissa et causis omnibus ibidem conclusis statuimus terminum XV diem festi epiphaniarum Domini proxime venturum sine crastinatione Strigonii ad videndam ferri sententiam. Et dicta die XV comparente ipso 5 magistro Georgio pro se personaliter et pro magistro Iacobo cum litteris procuratoriis capituli Posoniensis petente in premissis ferri sententiam non obstantem contumacia prepositi, quam presentia Dei suppleat. Visis omnibus et singulis premissis ac aliis omnibus et singulis coram nobis deductis, que partes ipse per se vel procuratores dicere et allegare 10 voluerunt verbo, in scriptis, semel et pluries visaque conclusione super premissis et super hiis habita plena et matura deliberatione unacum domino nostro archiepiscopo et aliis dominis de capitulo Christi et Beate Virginis Marie matris eius, Beati Adalberti et Sancti Martini confessoris nominibus invocatis dicimus, sententiamus et pronunctiamus 15 predictum dominum prepositum indebite et iniuste et contra honorem predictorum magistrorum Georgii et Iacobi canonicorum verba iniuriosa protulisse et alia fecisse, que fecit eis et ideo infra spatium unius mensis a tempore notitie debere dictos dominos canonicos suos coram aliis dominis in capitulo Posoniensi placare sub pena viginti florenis auri, in 20 quibus ipsum dominum prepositum, si non fecerit, condempnamus in hiis scriptis. In quorum fidem et testimonium premissorum presentes litteras nostras cum impressione sigillorum nostrorum et subscriptione notarii publici infrascripti munimine roboratas duximus concedendas. Lecta, lata et pronunctiata est hec sententia diffinitiva in porticu 25 alme ecclesie Strigoniensis circa altare Sancti Nicolai confessoris, quem locum pro ipsa sententia ferenda duxeramus deputandum, anno Domini millesimo quadringentesimo vicesimoquinto, indictione tertia, die vero vicesima mensis Ianuarii, hora vesperorum vel quasi, pontificatus sanctissimi in Christo patris et domini, domini Martini 30 divina providentia pape quinti anno octavo, presentibus ibidem honorabilibus et egregiis viris dominis Martino Sancti Georgii de Viridicampo Strigoniensis et Paulo Sancti Thome martirum de promontorio Strigoniensis ecclesiarum prepositis, Thoma decretorum Nitriensi et magistro Iohanne artium professore in medicinis doctoribus 35 Hunthensi, Andrea Kamaroniensi, Gregorio Zoliensi archidiaconis, Andrea de Scepus artium liberalium professore, Emerico de Tholna et Francisco canonicis ecclesie Strigoniensis predicte necnon Stephano plebano ecclesie Sancti regis Ladislai de Nova civitate Strigoniensis specialiter rogatis et aliis quampluribus personis fidedignis ibidem tunc 40 presentibus. 1424. XII. 15. 1425.1.20.
