C. Tóth Nórbert - Lakatos Bálint: Zsigmondkori Oklevéltár XV. (1428) - A Magyar Országos Levéltár kiadványai, II. Forráskiadványok 61. (Budapest, 2022)
1428
250 1428. május 27. extendunt, et si placuerit prefate domine, extunc eosdem redimat et pro se conservet. Item magnum equum nostrum in Kuczyn existentem volumus, ut fratri nostro Iohanni de Peren assignent. Item magistro Wolther aurifabro, civi Quinqueecclesiensi quadraginta octo florenis auri obligamur, cui volumus, ut eosdem florenos auri prenarrata domina, consors nostra de ipsis pecuniis salium nostrorum persolvat. Item cuidam mercatori Brauna vocato in possessione Iohannis báni com moranti sexaginta florenis auri obligamur, quos per prenarratam dominam, consortem nostram de pecuniis salium pretactorum exsolvi iubemus. Item magistro ...6 aurifabro domine regine octo florenis auri obligamur, quos etiam prelibata domina, consors nostra de ipsis pecuniis salium nostrorum persolvere teneatur. Item committimus etiam, ut florenos quadringentos auri, quibus domino Donyn de Rayez debitorie obligamur, iamdicta domina, consors nostra de pecuniis salium nostrorum predictorum prefato domino Donyn persolvere debeat. Item facta prius ratione [cu]m domino plebano Nicolao de Borswa, Michaeli de Selcz et monialibus, si eisdem debitus remanserimus, extunc de pecuniis salium nostrorum predictorum iamnominata consors nostra eisdem satisfaciat et tene[atu]r satisfacere. De residuis quoque s[alium] pretactorum quicquid et quantoplura pro salute anime nostre facere poterit, prout ab eadem fieri speramus, expediendo disp[on]at et amminstret. Volumus7 etiam, ut omnes res nostre in domo thavarnicali apud manus Demetri et Georgii de Posega, thavarnicorum nostrorum habite prefate domine Hedwigi, consorti nostre assignentur. Item sales nostri prenarrati in toto XXIIII tumeni8 fuerunt, sed ad rationem domini regis VIIII tumenos de eisdem dare commiseramus iobagionibusque domini archiepiscopi pro bobus ab eisdem per nos receptis satisfacere, de quibus adhuc, si premissa persoluta existunt, etiam ad XIIII tumenos vel XIIIPÄ [re]manent in residuo et prescipti sales per octo denarios computando, cum tamen nobis pro decem denariis sunt assignati, faciun[t] florenos XIM CC per centum. Quia autem ipsa domina Hedvigis, consors nostra carissima in expeditione et dispositione premissorum velut mulier non potest facta sua comodose prosequi, ideo rogamus magnificum Iohannem de Rozgon, patrem nostrum dilectissimum, ut ipse unacum fratribus suis apud regiam serenitatem pro premissa domina, consorte nostra taliter laboret, quod premissi sales aliaque nostra predisposita et deputata per eandem dominam, consortem nostram expediri commissa disponi permittantur, ipse etiam dominus noster rex nobis pluribus est debitorie obligatus, quorum registrum apud Emericum de Ungh invenire poterit et eundem registrum ad se recipiat.
