C. Tóth Nórbert - Lakatos Bálint: Zsigmondkori Oklevéltár XV. (1428) - A Magyar Országos Levéltár kiadványai, II. Forráskiadványok 61. (Budapest, 2022)
1428
248 1428. május 27. Item primo, quod si in hoc anno nos absque heredum solatio de hoc seculo migrari contingerit, extunc possessiones nostre Zyna et Wyhel, quas a domino nostro rege domine Hedvigi consorti nostre carissime ita, quod si in viduitate permanserit, perpetue possidendas invenimus, quarum un[a], videlicet Zyna pignori apud dominam consortem lacobi wayvode est obligat[a], quam etiam prefatus dominus noster rex ea ration[e], quod in servitiis sue serenitatis impignoraverimus, nobis redimere promisit, [atta]men si prefata possessio per ipsum dominum regem non redimeretur, donatione domini nostri regis predicti preexpressa in vigore remane[nte] ipsa domina, consors nostra, cum summa pecuniarum septem milium quadringentorum triginta florenorum per centum nove monete regalis a Valentino Wyncze secundum rationem inter nos factam nobis provenire debendarum, quam scilicet florenorum summam prefate domine, consorti nostre legamus, ymmo legavimus, redimere debeat possessionesque prescripte vigore donationis preexpresse dominio prefate domine, consortis nostre subiciantur. Item secundo, quod clenodia nostra argentea civibus Thrincziniensibus pro tricentis florenis auri impignorata prenominata domina Hedvigis, consors nostra redimat et pro se conservet. Item tertio, quod quemadmodum clenodia nostra aurea, videlicet anulos et monilia egregio Petro Groff de Buzyn pro mille florenis auri impignoravimus, prefatam dominam, consortem nostram rogamus eidemque committimus, ut ipsa pretacta clenodia nostra de pecuniis salium nostrorum pro servitiis et debitis nostris per dominum regem nobis in Poroslo deputatorum redimere et cum aliis clenodiis nostris aureis erga nos habitis componendo quantoplura ornamenta ecclesie, videlicet calices, casulas, pallas et alia necessaria pro salute et refrigerio anime nostre ordinari faciat et disponat. Item quarto, quia cetere possessiones nostre demptis duabus premissis ad fratres nostros, videlicet Iohannem et Stephanum filios Emerici de Peren sunt devolvende, dota[litia au]tem et res paraflernales domine Katheri ne, relicte scilicet condam magnifici Ladislai de Peren predictam(!), fratris nostri carissimi de [ipsis nostris] possessionibus provenire debendis eidem non persolvimus, propterea volumus eosdemque fratres nostros rogamus, ut de pro[ven]ti[bus i]psarum possessionum nostrarum pretactas res paraflernales prelibate domine Katherine absque omni renitentia et lite iuxta regni [con]suetudinem persolvant, insuperque domina Hedvigis, consors nostra de pecuniis salium nostrorum antedictorum aut aliis rebus nostris pretacte domine Katherine mille florenos per centum nove monete assignare debeat et amministrari. Item quinto committimus, [u]t prefata domina Hedvigis domine Katheri ne relicte condam Georgii Groff de Buzyn, sorori scilicet nostre de pecuniis predic[to]rum salium nostrorum florenos mille per centum nove monete dare teneatur et assignare.
