C. Tóth Norbert - Lakatos Bálint - Mikó Gábor: Zsigmondkori Oklevéltár XIV. (1427) - A Magyar Országos Levéltár kiadványai, II. Forráskiadványok 59. (Budapest, 2020)
1427
428 1427. október 24. ligati sumus solvere sine quovis iudicio seculari vel spirituali, in quibusvis contradictionibus procul motis, efective debemus et tenemur tenore presentium mediante. Insuper, si huiusmodi duodecim milia floreni cum trecentis florenis rubeis puri auri ac etiam trecentis florenis denariorum seu fileriorum camare Hungaricalis simul cum totidem florenis ratione dampni solvere non curaverimus, extunc prefati domini duces, videlicet Semovitus, Kazmirus et Wladislaus perconsequens et etiam per ipsorum barrones et nobiles pro huiusmodi sumpma florenorum superius descriptorum et dampni totidem, elapso et transacto dicto termino solutionis debebunt nos monere ac dampnificare et increpare. Nos vero ad huiusmodi dampnificationes et increpationes prefatis dominis principibus, videlicet Semovito, Kazmiro et Wladislao ducibus vel quos barrones et nobiles ipsorum ad dampnificandum et nobis increpandum transmiserint, nil mali respondere verbo aut facto agere debemus, sed benigniter et bono modo cum eisdem contractare et loqui debeamus. Et si aliquid contra prefatos dominos duces, videlicet Semovitum, Kazmirum et Wladislaum vel quos ipsi ex subditis suis ad dampnificandum et increpandum nobis et nostris successoribus direxerint, verbis ipsorum aliquid mali responderimus ac facto quovis ipsos impediverimus, extunc ista omnia contra honorem nostrum faceremus, et istas increpationes ac dampna prefatis dominis principibus et eorum subditis tamdiu sufficere debemus et sustinere, quousque huiusmodi sumpma superius descripta unacum totidem dampni supra descripti prefatis dominis principibus, videlicet Semovito, Kazmiro et Wladislao ac eorum successoribus per nos et nostros successores fuerit persoluta integre et ex toto; quequidem sumpma pecuniarum suprascripta, tam capitalis, quam dampni, per nos aut nostros successores vel nunccios nostros fideles in suis certis solutionis terminis reponi et persolvi debentur in Lwblowa, in graniciebus regni Hungarie existenti, et etiam iidem domini principes omnes litteras ipsius domini Sigismundi regis, cum quibus dictum castrum Kamiik ab eodem domino rege tenuerunt et inpignoratum habuerunt, sumpmam predictorum florenorum in se continentes ac etiam litteras expeditorias super solutione dicte sumpme sub sigillis propriis ipsorum dominorum ducum emanatas necnon et presentes litteras nostras obligatorias in specie debent per suos nunccios ibidem in Lwblowa post receptionem dicte sumpme totalis dari facere nuncciis et hominibus nostris, quos cum pecunia prescripta dirigemus ad Lwblowam prenotatam. In cuius rei testimonium sigillum nostrum in maius robur et presentium testium infrascriptorum presentibus est appensum. Datum in castro Nandoralbensi, confiniorum regni Hungarie, feria sexta proxima ante festum Sanctorum Symonis et lude apostolorum, anno Domini millesimo quadringentesimo vigesimo septimo, presentibus hiis testibus, videlicet reverendo in Christo patre, domino Iohanne, episcopo ecclesie Wesprimiensis ac magnificis militibus et barronibus Zawisio Nigro de Gorbo, Iohanne de Melstyen necnon Petro filio Herrici de Berzeviche magistro tavernicorum domini Sigismundi Romanorum regis prenotati.
