C. Tóth Norbert - Lakatos Bálint - Mikó Gábor: Zsigmondkori Oklevéltár XIV. (1427) - A Magyar Országos Levéltár kiadványai, II. Forráskiadványok 59. (Budapest, 2020)
1427
192 1427. április 21. 404 Ápr. 21. (in Fewldvar partis nostre Transsilvanensis, f. II. p. pasce) Zs. Lewa-i Cheh Péter (magn.) barsi ispánhoz, volt, és Peren-i Miklós (magn.) nyitrai és trencséni ispánhoz, jelenlegi lovaszmesterhez. Pro parte et in personis fidelium nostrorum Iohannis ac Stephani necnon Emerici Ladislaique et Petri etiam et Georgii filiorum condam Nicolai dicti Forgach de Gymes nobis ac prelatis et baronibus nostris nobiscum pro exaudiendo et iusto equitatis libramine cunctorum nostrorum regnicolarum nobis porrigendis querelis discutiendis pro tribunali sedentibus expositum est cum querela, quod prefato Nicolao Forgach, patre ipsorum in conflictu nostro exercituali pridem in regno nostro Bozne cum perfidis Tureis, Christianitatis persecutoribus et confiniorum regnorum nostrorum inmanissimis invasoribus et depredatoribus commisso unacum nonnullis aliis nostris fidelibus baronibus militibusque et proceribus periclitato vel potius ibidem interempto ipsisque filiis eiusdem Nicolai Forgach, tunc in etate tenera, cum universis possessionibus ac portionibus et iuribus possessionariis, tam videlicet in prefato castro Gymes, quam eius pertinentiis et alias ubivis habitis aliisque cunctis rebus et bonis, mobilibus scilicet et inmobilibus dicti Nicolai ad ipsos filios eiusdem rite devolutis, in manibus nobilis domine, relicte ipsius Nicolai, matris vero ipsorum filiorum eiusdem Nicolai integraliter et in toto remanentibus, eadem domina omnes proventus, fructus et utilitates quaslibetque obventiones earundem et ipsorum hactenus percepisset, taxas etiam extraordinarias super populos et iobagiones possessionibus et iuribus possessionariis in eisdem commorantes quamsepius imponendo extorsisset, proter quod etiam dicta eorum iura possessionaria non modicum desolationis paterentur detrimentum, de quibus omnibus ipsa domina eisdem filiis suis iam ad annos discretionis provenientibus, ut ipsi vel alter seu quevis eorum ad instar aliorum natorum regni nostri nobilium curie nostre aut magnatum et baronum ipsius regni nostri servituri et mores discreturi se applicare valerent, expensas eorum condicioni necessarias ignorarent, quare et qua de causa dare et amministrari facere non curaret neque vellet, unde iidem filii ipsius Nicolai universas eorum possessiones et quelibet iura possessionaria per ipsam dominam, matrem ipsorum hucusque tentas et gubernata ab eadem plenarie rehabere, actamen eidem matri eorum certas possessiones ex eisdem possessionibus, quas videlicet prefatus Nicolaus Forgach, pater ipsorum matri avieque eorum ad tempora vite sue possidere annuisset et dedisset, videlicet Herestyen cum tributo in eadem exigi solito ac duas seu utrasque Kozmái vo catas, in dicto comitatu Borsiensi habitas, simul cum molendinis et vineis ac aliis utilitatibus ad easdem spectantibus, prout prefata domina, avia ipsorum eas possedisset et tenuisset, similiter ad terminum vite ipsius matris eorum dare in universisque rebus et bonis mobilibus necnon clenodiis et thesauris, tam a prefato condam Nicolao Forgach, patre ipsorum dimissis et remanentibus, quam expost per eandem dominam, matrem ipsorum de dictis proventibus et redditibus possessionum et iurium possessionariorum perceptis, repositis et agregatis divisionem cum eadem matre eorum, uti de huiusmodi regni
