C. Tóth Norbert - Lakatos Bálint - Mikó Gábor: Zsigmondkori Oklevéltár XIV. (1427) - A Magyar Országos Levéltár kiadványai, II. Forráskiadványok 59. (Budapest, 2020)
1427
1427. február 1. 105 eidem de sepedictis urburis, uti proprius, tum eadem domina nostra regina erat dispositum, aut de aliis proventibus regalibus sufficienti ydoneaque fa[cta] dispositione, de qua videlicet ipsa domina nostra regina, ut pretactum est, contentari voluerit, easdem urburas et cusiones monetarum ab eadem domina nostra regina auferre et ad se recipere valeat et valeant successores sui prenotati. Ipsaque domina nostra regina dum et quando huiusmodi tricesimarum ad viginti et urburarum [aut aliorum] proventuum regalium ad octo milia florenos auri se extendentium plenam, omnimodam ac pacificam et liberam possessionem receperit, extunc mox et in continenti annotatas urburas et cusiones monetarum ipsi domino nostro regi aut eisdem suis successoribus integraliter remittere et resignare debeat et teneatur. Ceterum, licet ipse dominus noster rex comitatum suum Zoliensem necnon castra sua regalia Zoliense, Dobronya, Vegles et Lipche in eodem Zoliensi, et Saskw vocata in Borsiensi comitatibus habita pro memorata conservatione status reginalis maiestatis cum omnibus et singulis eorundem castrorum regalium tenutis, pertinentiis et utilitatibus quibuslibet ad eadem semper et ab antiquo spectantibus per sue regie maiestatis certi tenoris privilegiales litteras eidem domine nostre regine usque ad ipsa vite sue tempora duxerit conferendos, conservatione tamen eorundem castrorum necnon electione, institutione et deputatione castellanorum ad eadem sue maiestati regie usque ad vitam suam dumtaxat reservatos, tamen prefatus dominus noster rex volens dictam dominam nostram reginam, ne ipsa circa assecutionem proprietatis eorundem castrorum ipso domino nostro rege de medio sublato dispendium aliquod seu gravamen patiatur, regali tutare remedio, ideo exnunc prescriptos comitatum et castra sua regalia simul cum tenutis et pertinentiis eorundem predictis pure, simpliciter et integre modo simili ex certa sue maiestatis regie scientia nostroque ad id accedente consilio eidem domine nostre regine remittens et resignans manusque suas regias et suorum quorumlibet de eisdem extrahendo et excipiendo sibi denuo et de novo dedit, donavit et contulit seu appropriavit et ascripsit per eandem dominam nostram reginam usque idem tempus vite sue possidendos, tenendos pariter et habendos, ita videlicet, quod memorata domina nostra regina ipsos comitatum et castra prenotata omnesque et quoslibet fructus, redditus et proventus eorundem comitatus et castrorum amodo deinceps plene et integre pro se recipere et levare necnon comites, castellanos aliosque officiales quoscumque ad dictos comitatum et castra pro sui libito instituere et deputare valeat atque possit. Porro idem dominus noster rex mera sua auctoritate regia et potestatis plenitudine scientiaque et consilio prenotatis sanxit, immo liber [aliter concessi] t et induisit, quod sepedicta domina nostra regina in predictis universis et quibuslibet civitatibus montanarum tam in comitatu Zoliensi, quam alias ubilibet intra regni Hungarie ambitum constitutis et existentibus sibi per memoratum dominum nostrum regem sic, ut premittitur, datis, donatis et appropriatis magistrum tavarnicorum [reginalium], qui universas causas inter cives earundem civitatum coram ipso ventillandas ad instar magistri tavarnicorum regalium,
