C. Tóth Norbert - Lakatos Bálint - Mikó Gábor: Zsigmondkori Oklevéltár XIV. (1427) - A Magyar Országos Levéltár kiadványai, II. Forráskiadványok 59. (Budapest, 2020)
1427
1427. február 1. 101 bito eligendos et deputandos plenam liberam et omnimodam habeat facultatem. Preterea censemus et presentibus decernimus, quod si quoquam tempore sumpma proventuum urburarum et cussionis monetarum predictarum, pro qua scilicet ipsos proventus per eandem dominam reginam locare et arendare contigerit, sumpma viginti octo milium florenorum auri ipsi domine regine, sic, ut premittitur, de tricesimis et urburis predictis hactenus provenire solitam quantumlibet excrescere contingent, extunc ipsa domina regina talis modi excrescendam seu residuum eorundem viginti octo milium florenorum auri nobis aut eisdem successoribus nostris regibus Hungarie reddere et restituere debeat et teneatur. Ubi vero ipsos proventus annotatarum urburarum et cussionis monetarum nostrarum temporis labente spatio in tantum acciderit decrescere, quod eos ipsa domina regina pro prescriptis vigintiocto milibus florenis auri locare seu arendare nequiverit, extunc nos aut dicti nostri successores huiusmodi defectum et decrescentiam annotatorum viginti octo milium florenorum auri eidem domine regine de pretactis proventibus nostris tricesimalibus supplere ac integraliter reddere et restituere teneamur et teneantur. Nec hoc pretermisso, quod si et in quantum temporum in eventu sepedictas urburas et cussionem monetarum ab eadem domina regina aufferre et manibus nostris reappropriare decreverimus, seu iidem nostri successores eorum manibus appropriare decreverint, extunc non aliter, quam reintegratis prius et effectualiter restitutis eidem domine regine per nos aut eosdem successores nostros universis tricesimis predictis necnon de residuis octo milibus florenis auri eidem de sepedictis urburis, uti proprius, cum eadem domina regina erat dispositum, aut de aliis proventibus nostris regalibus sufficienti ydoneaque facta dispositione, de qua videlicet ipsa domina regina, ut pretactum est, contentare voluerit, easdem urburas et cussiones monetarum ab eadem domina regina aufferre et ad nos recipere valeamus et valeant successores nostri prenotati. Ipsaque domina regina dum et quando huiusmodi tricesimarum ad viginti et urburarum aut aliorum proventuum nostrorum regalium ad octo milia florenos auri se extendentium plenam, omnimodam ac pacificam et liberam possessionem receperit, extunc mox et in continenti annotatas urburas et cussiones monetarum nobis aut eisdem nostris successoribus integraliter remittere et resignare debeat et teneatur. Ceterum, licet nos comitatum nostrum Zoliensem necnon castra nostra Zoliense, Dobronya, Weghles et Lypchee in eodem Zoliensi et Saskew vocata in Borssiensi comitatibus habita pro memorata conservatione status reginalis maiestatis cum omnibus et singulis eorundem castrorum nostrorum tenutis, pertinentiis et utilitatibus quibuslibet ad eadem semper et ab antiquo spectantibus per alias nostre maiestatis certi tenoris privilegiales litteras eidem domine regine usque ad ipsa vite sue tempora duxerimus conferendos, conservatione tamen eorundem castrorum necnon electione, institutione et deputatione castellanorum ad eadem maiestati nostre usque ad vitam nostram dumtaxat reservantes, tamen nos volentes dictam dominam reginam, ne ipsa circa assecutionem proprietatis eorundem castrorum
