Szőcs Tibor: Az Árpád-kori országbírók, udvarbírók és helyetteseik okleveleinek kritikai jegyzéke - A Magyar Országos Levéltár kiadványai, II. Forráskiadványok 58. (Budapest, 2020)
Az oklevelek kivonata, őrzési helyüknek és kiadásaiknak felsorolása és kritikájuk - A királyi család tagjainak udvarbírói
300 Péc nb. György fia Dénes, Béla szlavón herceg udvarbírója Bala a domino Béla illustri rege Hungarie ad restituendas terras nobilium ab ipsis indebite alienatas per castrenses, wdvarnicos, per populos regales, reginales, vel per quoslibet condicionarios populos in comitatu Vesprimiensi accessissemus iudices deputati, significamus omnibus presentibus et futuris presentium per tenorem, quod cum iuxta mandatum domini regis ad dictum comitatum Vesprimiensem accessissemus, exsequi et efficere gratiam, quam dominus rex fecit nobilibus regni sui, quam ex parte ipsius optinere desiderabant, ut ea, que ab ipsis in eorum possessionibus per populos cuiuslibet conditionis ablata, abstracta vel occupata fuerant, de benignitate regia restituantur, accedentes inter ceteros ad nostram presentiam Georgius, Petrus et Galianus nobiles de Ayka nobis sunt conquesti, quod de terra eorum hereditaria detinerent terram ad duo aratra sufficientem hospites de Rudnuk occupatam, super quo veritatem inquirere cepimus diligenter et multa subtilique inquisitione ab omnibus nobilibus eiusdem comitatus et omnibus conprovincionalibus comperimus veraciter dictam terram duorum aratrorum ipsorum Georgiia, Petri et Galiani esse fuisse hereditariam per ipsos hospites de Rudnuk indebite occupatam. Et licet ad hoc, ut eis dicta terra restituatur, ipsius inquisitionis veritas sufficisset, tamen ad maiorem cautelam et huius rei stabilitatem firmiorem ipsis Georgio, Petro et Geliano cum aliis decem et octo personis nobilium de eodem comitatu adiudicavimus sacramentum, qui omnes in dicto termino et loco iuraverunt coram nobis, et sic ipsam terram duorum aratrorum in terra arabili et virgulto, iuxta eorum terram hereditariam adiacentem ipsis Georgio et Petro, ac Geliano restituimus iure perpetuo possidendam, et per Oliverium filium Ladislai de Gechee hominem nostrum fecimus assignari. Cuius terre prima meta incipit ab Ayka, sub qua villa Ayka sunt due mete, una sub arbore orni et alia sub pomo. Inde tendit per vallem versus aquilonem, et perinde transeundo flectit de valle ad sinistram partem per metas duas transiens vadit directe iterum ad duas metas terreas ad viam Ayka, iuxta quam sunt tres mete angulares, et inde vadit in eadem via transiens metas versus occidentem ad bivium, quarum altera ducit ad villam Ayka, alia vero ad Rednuk, et ibi sunt tres mete. Ab inde reflectit versus aquilonem et transit per fenetum in fine vallis Rednuk per binas metas, deinde transit fontem Rednuk, iuxta quam sunt due mete, ex hinc tendit per binas metas, venit ad magnam viam, que ducit ad villam Beer, iuxta quam sunt due mete. Et inde transsiens viam ad aquilonem venit in alteram viam magnam, per quam vadit iuxta Gyepus versus occidentem per binas metas ad quandam viam antiquam, et ibi exit de Gyepus, ubi sunt due mete, et inde flectitur versus meridiem eundo parvum venit ad locum, ubi eadem villa bifariatur, ubi sunt due mete. Et inde reflectit versus occidentem, et vadit per binas metas, transitque frutices per binas metas, et vadit ad terminum terre Berend, et ibi sunt due mete, una sub kerku, et altera sub ilice, ubi eadem terra terminatur. Ut igitur ne
