Zsigmondkori oklevéltár XII. 1425 (Magyar Országos Levéltár kiadványai, II. Forráskiadványok 52. Budapest, 2013)
1425
438 1425. október 16. Kysserk adiacentium ubicunque meliora fena falcari possent, tam pro mille et ducentis cubulis vini necnon viginti duabus marcis duabusque partibus estimationis prescriptorum universorum iurium possessionariorum prefati Emerici ipsum proprie et precise contingentium manibus vestris iudiciariis statuissent et comisissent pacifice possidendas, a vobis et ipso Petro de Sadan redimende nullo penitus contradictores aparentes, et ne huiusmodi iura possessionaria ocupata quispiam per se redimere velle dixisset, pro ocupatione siquidem prescriptorum proventuum montium vinearum memorati Emerici vestris iudiciariis, ut prefertur, et dicti Petri de Sadan manibus statutarum, vineam propriam antelati Emerici prescriptos proventus vinearum in utilitate et valorem procedentem, quoad portionem sepedictorum filiorum Emerici, eisdem reliquissent et comisissent possidendas. - Terras autem arabiles, tam ad proprias curias annotatorum Emerici et Ladislai de Zombor, quam etiam ad universas sessiones iobagionales eorundem spectantes hoc ordine dimisissent et ab invicem sequesstrassent, quod primo media pars cuiusdam particule terre, cui ab oriente terra domini dezpoth inpignoratia, ab occidente vero terra relicte Mychaelis de Zombor vicinarentur, pars videlicet eiusdem orientalis cessisset prefato Ladislao, alia parte eiusdem prefato Emerico cum filiis suis remanisset, ex quarundam portione ipsius Emerici et filiorum suorum circa prescriptas quinque curias anotato Petro de Sadaan statutas terra octo funiculorum cum medio quinque brachia regalia cum medio in se continenti ab eadem plaga occidentali ipsi Petro devenisset; terra vero quatuor funiculorum cum medio in duabus partibus vobis, in terra vero parte similiter ipsi Petro devenisset; ab eadem occidenti penes eandem portionem terra octo funiculorum prefatis filiis Emerici devenisset. - Item medietas alterius particule terre Vyheltheleke vocate pars orientalis decem funiculorum cessisset dicto Ladislao, penes eandem ab eadem plaga terra quatuor funiculorum cum duabus partibus unius funiculi dictis filiis Emerici et penes eandem trium funiculorum vobis et dicto Petro, iuxta eandem terra trium funiculorum dicto Petro per se devenissent; preterea medietas cuiusdam terre inter duas vias ad montes vinearum ducentes et reducentes adiacentis, pars videlicet meridionalis a parte Zombor dicto Ladislao, terra autem quatuor funiculorum cum medio penes eandem ab australi prefatis filiis Emerici; item iuxta eandem terra sex funiculorum prefato Petro de Sadaan, penes eandem terra trium funiculorum cum medio vestre magnificentie devenissent. - Quandam autem particulam terre necnon longum fenetum quasi ex opposito ipsius terre a dicta plaga orientali adiacentem, que cum universis nobilibus de Zombor demptis Laurentio Saarhayw et fratrorum suorum communis et indivisonaliter haberentur, simulcum terris pascualibus communi usui reliquissent. - Et hiis habitis prefatus Ladislaus de Zombor universas quaslibet terrarum particulas ipsum dictumque Emericum ultra prescriptas terras intra metas prescripte possessionis Zombor, ubi tangentes, iudici et dictoque Petro de Sadan reliquisset et commisisset conservandas et utendas, nichilominus tertiam partem medietatis proventuum prescriptarum pisscinarum iamdicti Emerici, ipsum scilicet precise tangentem, salvis duabus partibus eiusdem medietatis dictos filios Emerici tangentibus simulcum iudici dictoque Petro de Sadaan percipiendam reliquissent. Aserentes etiam iidem vester et noster homines, ut quia prescriptas tres sessiones iobagionales memorati Emerici et filiorum suorum, in quarum una, ut premissum est, relicta Mychaelis Wamus, in alia Stephanus Sclavus et in tertia Paulus Rufus ad presens residentiam facerent, per ipsum Emericum et Paulum filium suum mediantibus litteris
