Zsigmondkori oklevéltár XII. 1425 (Magyar Országos Levéltár kiadványai, II. Forráskiadványok 52. Budapest, 2013)
1425
294 1425. június 27. sperantur. Sane pro parte tua nobis nuper exhibita petitio continebat, quod dudum tu pie devotionis et sinceritatis fervore succensus ac de propria salute recogitans cupiensque terrena in celestia et transitoria in eterna felici commercio commutare ob precipue et sincere dilectionis affectum, quem ad ordinem fratrum minorum, quem continuo suscipere desideras, incrementum et ad personas eiusdem ordinis gessisti hactenus et adhuc gerere dinosceris, prope capellam sine cura Sancti Georgii opidi Vicegradensis Strigoniensis diocesis, in qua nonnulle clare memorie reges Ungarie predecessores tui, qui fuerunt olim antiquitus interdum in dicto opido moram trahentes missam et alia divina officia in eorum presentia celebrari faciebant, tanquam ad eos illius funditores legitime pertinente et que nemini in beneficium ecclesiasticum etiam a tanto tempore, cuius contrarii memoria non existit, assignari consuevit, sed semper pro capella regia ab omnibus tenta, habita et reputata fuit, unam domum ad opus et usum fratrum predictorum, qui ibidem Altissimo debitum exhibeant famulatum ac regulam per Beatum Franciscum dicti ordinis fundatorem fratribus huiusmodi relictam iuxta declarationes et traditiones apostolicas, que extunc super ipsius regule observatione emanarunt, ad litteram observare perpetuo sint astricti ideoque fratres de observantia nuncupentur de bonis a Deo tibi collatis et in loco ad te similiter pertinente sumptuoso opere construi et edificari dictamque capellam, que in suis edificiis collapsa penitus existebat, debite reparari fecisti quodque capellam ipsam etiam ad opus et usum fratrum de observantia predictorum, ut ibidem divinis perpetuo insistant laudibus ampliari et in ecclesiam cum campanili, campanis, claustro, cimiterio et aliis necessariis officinis concedentibus structuris et edificiis erigi seu construi et edificari facere desideras et proponis. Quare pro parte tua nobis fuit humiliter supplicatum, ut constructionem et edificationem domus huiusmodi canonice factas fore decernere ac alias eas ratificare et approbare tibique capellam predictam ad opus et usum huiusmodi ampliari et in ecclesiam cum campanili, campanis, claustro, cimiterio et aliis necessariis officiis prefatis concedentibus structuris et edificiis erigi seu construi et edificari faciendi ac eisdem fratribus de observantia domum ipsam recipiendi licentiam concedere necnon quod gardianus et ipsi fratres, qui in dicta domo degent, regulam huiusmodi iuxta declarationes et traditiones predictas ad litteram observent quodque domus et capella seu post eius in ecclesiam erectionem sive constructionem et edificationem ecclesia ac gardianus et qui in ipsa domo degent fratres huiusmodi omnibus et singulis privilegiis, indulgentiis, libertatibus, immunitatibus, exemptionibus et gratiis, quibus alie domus et ecclesie dictorum fratrum de observantia ac fratres huiusmodi in eis degentes gaudent et utuntur, uti et gaudere valeant ipsique gardianus et qui in dicta domo degent fratres nullis aliis quibuscunque dignitate vel officio fungentibus dicti ordinis personis quam solum et duntaxat generali ministro ipsius ordinis aut eius in provincia Bosnensi vicario pro tempore existentibus subesse debeant statuere et ordinare ac alias in premissis oportune providere de benignitate apostolica dignaremur. Nos igitur huiusmodi tua laudabilia opus et propositum condignis in Domino laudibus commendantes et propterea huiusmodi tuis supplicationibus grato concurrentes assensu constructionem et edificationem domus huiusmodi canonice factas fore auctoritate apostolica decernentes ac alias eas ratificantes et approbantes devotioni tue capellam predictam ad opus et usum huiusmodi ampliari et in ecclesiam cum campanili, campanis, claustro, cimiterio et officiis prefatis concedentibus structuris et edificiis
