C. Tóth Norbert: Politikatörténeti források Bátori István első helytartóságához (1522-1523) (Magyar Országos Levéltár kiadványai, II. Forráskiadványok 50. Budapest, 2010)
Oklevelek, levelek
68 1522. április Nos Stephanus de Bathor regni Hungarie palatinus et iudex Comanorum ac comes Themesiensis serenissimique principis domini Ludovici Dei gratia regis Hungarie et Bohemie etc., domini nostri gratiosissimi in hac absentia sue maiestatis locum- tenens memorie commendamus tenore presentium significantes, quibus expedit, universis, quod nos consideratis fidelitate et fidelibus servitiis egregiorum Antho- nii de Pynnye et Balthasaris Barson de Beren per eos sacre imprimis huius regni Hungarie corone deindeque prefato domino nostro regi pro locorum et temporum varietate cum summa fidelitatis constantia exhibitis et impensis totales portiones nobilium Petri et Iohannis de Mesterhaza et Michaelis filii eiusdem Iohan- nis possessionarias in possessione Mesterhaza iamdicta in comitatu Sopproniensi existenti habitas, que ex eo, quod iidem Petrus et Iohannes de Mesterhaza, fratres patrueles existentes et Michael filius eiusdem Iohannis superioribus diebus Dei et hominum timore posthabitis, non veriti vinculum consanguineitatis rumpere manusque eorum noxias fraterni sanguinis effusione maculare sese mutuo et altematim letalibus vulneribus sauciasse per hocque notam infidelitatis incurrisse dinoscuntur, ad sacram huius regni Hungarie coronam prefatumque dominum nostrum regem consequenterque in hac absentia sue maiestatis nostram tanquam personam sue maiestatis representantem collationem iuxta antiquam et approbatam eiusdem regni Hungarie consuetudinem atque legem rite et legittime devolute esse perhibentur et redacte, simul cum cunctis suis utilitatibus et pertinendis quibuslibet, terris scilicet arabilibus cultis et incultis, agris, pratis, pascuis, campis, fenetis, silvis, nemoribus, montibus, vallibus, vineis vinearumque promonthoriis, aquis, fluviis, piscinis, piscaturis aquarumque decursibus, molendinis et eorundem locis, generaliter vero quarumlibet utilitatum et pertinentiarum suarum integritatibus, quovis nominis vocabulo vocitatis sub suis veris metis et antiquis existenti bus premissis sic, ut prefertur, stantibus et se habentibus, auctoritate prefati domini nostri regis nobis in hac absentia sue maiestatis data et concessa memoratis Anthonio de Pynnye et Balthasario Barsan de Beren ipsorumque heredibus et posteritatibus universis dedimus, donavimus et contulimus, immo damus, donamus et conferimus iure perpetuo et irrevocabiliter tenendas, possidendas pariter et habendas salvo iure alieno, harum nostrarum vigore et testimonio litterarum mediante, quas in formam nostri privilegii redigi faciemus, dum nobis in specie fuerint reportate. Datum Bude, feria tertia proxima post dominicam Quasi modo, anno Domini millesimo quingentesimo vigesimo secundo. Commissio propria domini palatini
