C. Tóth Norbert: Politikatörténeti források Bátori István első helytartóságához (1522-1523) (Magyar Országos Levéltár kiadványai, II. Forráskiadványok 50. Budapest, 2010)
Oklevelek, levelek
1523. április 213 Amicis suis reverendis, conventui ecclesie Simigiensis Stephanus de Bathor regni Hungarie palatinus et iudex Comanorum ac comes Themesiensis serenissimique principis et domini, domini Ludovici Dei gratia Hungarie et Bohemie etc. regis, domini nostri gratiosissimi impresentiarum in hac absentia sue maiestatis locum- tenens amicitiam paratam cum honore. Cum nos attentis et consideratis fidelibus servitiis egregiorum Pauli Arthandy, Francisci de Rewa secretarii nostri et Demetrii de Bancha magistri curie nostre, que ipsi sacre primum huius regni Hungarie corone ac deinde maiestati regie ac nobis post suam maiestatem exhibuerunt, universa bona et quelibet iura possessionaria nobilis condam Ladislai Ovary de La- pafew ubivis et in quibuscunque comitatibus regni Hungarie existentia et habita, que per defectum seminis masculini sexus eiusdem condam Ladislai Ovary ad sacram coronam consequenterque ex gratiosa annuentia prefati domini nostri regis in hac absentia sue maiestatis collationem nostram rite et legittime devoluta esse perhibentur et redacta, simul cum omni iure regio, si quod maiestas sua in eisdem universis bonis habuerit ac pariter cum cunctis suis utilitatibus et pertinentiis quibuslibet premissis sic, ut prefertur, stantibus et se habentibus memoratis Paulo de Arthand, Francisco de Rewa et Demetrio Banchy ipsorumque heredibus et posteritatibus universis vigore aliarum litterarum nostrarum donationalium supe- rinde confectarum in perpetuum contulerimus velimusque eosdem in dominium eorundem per nostrum et vestrum homines legittime facere introduci. Super quo amicitiam vestram presentibus petimus diligenter et nichilominus etiam in persona et autoritate prefati domini nostri regis, qua nunc fungimur, vobis committimus et mandamus, quatinus vestrum mittatis hominem pro testimonio fidedignum, quo presente Petrus litteratus de Zarándok vel Georgius de Chapy aut Iohannes Donath de Fyred sew alter Iohannes de Zarándok sin Bernaldus de Thesla aliis absentibus homo noster ad facies prescriptorum universorum bonorum et i urium possessiona- riorum annotati condam Ladislai Ovary ubivis habitorum vicinis et commetaneis eorundem inibi legittime convocatis et presentibus accedendo introducat prefatos Paulum Arthandy, Franciscum Reway et Demetrium Banchy in dominium eorundem et dicti iuris regie in eisdem habiti statuatque eadem eisdem simul cum cunctis suis utilitatibus et pertinentiis quibuslibet ad eandem de iure et ab antiquo spectantibus premisse nostre donationis titulo ipsis incumbenti perpetuo possidenda, si non fuerit contradictum. Contradictores vero, si qui fuerint, evocet eosdem contra annotatos Paulos Arthandy, Franciscum Reway et Demetrium Banchy ad terminum competentem nostram in presentiam rationem contradictionis eorundem reddituros et post hec huiusmodi introductionis et statutionis seriem cum contradictorum et evocatorum, si qui fuerint, vicinorumque et commetaneorum, qui premisse statutioni intererunt, possessionum et portionum possessionariarum inibi statuendarum nominibus terminoque assignato, ut fuerit expediens, nobis ami-
