C. Tóth Norbert: Politikatörténeti források Bátori István első helytartóságához (1522-1523) (Magyar Országos Levéltár kiadványai, II. Forráskiadványok 50. Budapest, 2010)
Oklevelek, levelek
134 1522. augusztus Papíron, a szöveg alatt pecsét nyomával. DL 60 946. (Máriássy család lt., Vegyes iratok 807.) — Kiadása Szabó: II. Lajos-kori ogy. 187/XLVII. Stephanus de Bathor regni Hungarie palatinus et iudex Comanorum ac comes Themesiensis serenissimique principis et domini, domini Ludovici Dei gratia Hungarie et Bohemie etc. regis, domini nostri gratiosissimi in hac absentia sue maiestatis locumtenens etc. egregiis et nobilibus universitati nobilium comitatus Abawywariensis salutem cum favore. Etsi sciamus fratres vestros ad proximum conventum pro festo Beati Laurentii martiris novissime transacto preteritum deputatos et ad vos iam reversos omnes constitutiones et articulos de communi voluntate1 omnium dominorum prelatorum barronumque et regni nobilium electorum formatos vobis ad unguem usque declarasse, nihilominus nos quoque volumus easdem vobis in parte recensere. Subsidium namque in generali conventu regnicolarum pro festo Beate Elizabeth vidue proxime preterito2 de regio edicto celebrato ad regni defensionem oblatum implerisque comitatibus nondum est exo- lutum, itaque in prescripto novissimo conventu festi Beati Laurentii martiris idem superinde inter cetera stabilitum est atque conclusum, ut ad proximum festum Beati Egidii abbatis3 quilibet dominorum ac nobilium de bonis suis contributionem ipsam per fumos iam pridem ubique in hoc regno dicatam et connumeratam sub amissione omnium bonorum suorum ad manus dicatorum administrare et administrari facere, dicatores vero manibus hominum dominorum regni thesaurariorum ad hoc deputatorum assignare debeant et teneantur. Proinde requirimus et hortamur vos, nihilominus etiam in persona et auctoritate prefati domini nostri regis, qua impresentiarum fungimur, vobis committimus et mandamus, quatinus visis statim presentibus universas pecunias prescripti subsidii fumalis de bonis vestris ad manus prefatorum dicatorum vestrorum dare et administrari facere et per eosdem dicatores sine ulla mora ad manus dictorum hominum regni thesaurariorum et ad loca per eos ad id deputata dari et administrari facere modis omnibus debeatis et teneamini. Qui si feceritis, bene quidem, alioquin auctoritatem dedimus eisdem hominibus prefatorum dominorum thesaurariorum, ut bona omnium renitendum pro maiestate regia occupare valeant atque possint, secus igitur non facturi. Presentibus perlectis exhibenti restitutis. Datum Bude, sabbato proximo post festum decollations Beati Iohannis baptiste, anno Domini millesimo quingentesimo vigesimo secundo. De propria commissione domini palatini 1 Toliban maradt. 2 1521. nov. 19. 3 1522. szept. 1.
