C. Tóth Norbert: Politikatörténeti források Bátori István első helytartóságához (1522-1523) (Magyar Országos Levéltár kiadványai, II. Forráskiadványok 50. Budapest, 2010)
Oklevelek, levelek
1522. augusztus 131 deratis iustitiam administrari petere. In hoc autem iudicio non sit necesse omnes vel singulos confederates convenire, sed sufficiat quinque aut sex ex eis convenire et hi possint et habeant facultatem inter partes litigantes omnem differentiam discutere, cognoscere, iudicare et sententiam ferre. Item quod inferens damnum aut iniuriam teneatur stare iudicio aliorum confederatorum, quod si non staret iudicio aliorum, censeatur ipso facto exclusus ab huiusmodi confederatione. Pars autem lesa sive actor liberam habeat facultatem requirendi et iure agendi, coram quovis iudice maluerit, neque censeatur isto casu presentem confederationem violasse. Item quod si regia maiestas vel reginalis etiam maiestas ex suggestione delatorum contra iura, libertates et consuetudinem huius regni potentialiter bona alicuius ex nobis occuparet, aut in personam aliquid iniuriarum facere committeret, alii confederati tam coniunctim, quam divisim teneantur et sint obligati pro eo intercedere et supplicare partesque suas interponere tamdiu, donec in gratiam suarum maiestatum redierit et bona occupata vel damna illata rectificentur et de [... ] impedimentis eliberabitur. Item quod si ante emanationem presentis confederationis aliquis ex nobis similem confederationem seu obligationem cum aliquo hic non expresso contraxisset et talis contra aliquem ex nobis nunc confederatis aliquid ex premissis attentaret, ex quo simili confederatione est illi obligatus, possit quidem partes suas interponere verbisque et petitionibus pro leso noviter confederato instare et laborare, sed facto potentie aliquid attentare vel cum aliis nunc confederatis contra illum potentialiter insurgere non sit astrictus contra fidem prius illi prestitam et contra formam confederationis inter ipsos initam. Contra omnes alios autem, qui in confederatione inter ipsos prius inita expressi et nominati non sunt, ad omnia modo suprascripto sit obligatus ei assistere et opem ferre simul cum aliis noviter confederatis. Hunc autem articulum volumus intelligi tantummodo de domino episcopo Transsilvanensi, ne cogatur vigore presentis confederationis contra sibi confederates, si qui essent, facto potentie insurgere, sed potius in hoc sit laboret- que, ut etiam illos ad hanc presentem confederationem inducat, ut sic mutuo sese presidio tueri possint. Que omnia premissa nos omnes supranominati ad honorem et humanitatem et sub fide nostra Christiana promittimus fideliter, syncere ac inviolabiliter sine dolo et fraude observare et nullo modo nullaque ratione directe vel indirecte, palam vel occulte contravenire harum nostrarum, quas propria quisque nostrum manu subscripsit et quibus sigilla nostra cum veris armis nostris impressa affiximus vigore et testimonio literarum. Datum Bude, fena quarta proxima ante diem Beati Augustini episcopi et confessoris, anno Domini millesimo quingentesimo vigesimo secundo.
