C. Tóth Norbert: Zsigmondkori oklevéltár X. (1423) (Magyar Országos Levéltár kiadványai, II. Forráskiadványok 43. Budapest, 2007)

füisset per nos et dictum fratrem nostrum ac nostros et ipsius prelatos et barrones dispositum et tractatum, tandem nobis utrisque ac nostris et eiusdem fratris nostri prelatis et barronibus ad id specialiter electis et deputatis feria tertia proxima post dominicam Quasi modo geniti (ápr. 13.) proxime preteritam in civitate Barthfa vocata insimul constitutis, providi Fridlanth et Nicolaus Zawpnyk cives et incole Cracovienses de medio aliorum exurgendo in suis et totius communitatis civitatis predicte personis exhibitione litterarum serenissimi principis olim domini Lodovici regis Hungarie, genitoris et soceri nostri carissimi, privilegialium simplici eius sigillo, sculpturam seu ymaginem regalis maiestatis continente vallatarum, Bude anno Domini millesimo trecentesimo sexagesimo octavo emanatarum

1 universos cives et mercatores dicte civitatis Cracoviensis cum eorum mercibus in predictum regnum nostrum Hungarie et versus civitatem nostram Cassoviensem negotiationis causa se conferentes huiusmodi libertate et gratiarum prerogativa, ut iidem mercatores Cracovienses, qui ut predicitur eorum mercimonia in predictum regnum nostrum Hungarie, et consequenter dictam civitatem Cassoviensem venditionis causa inducerent in facienda eorum negotiatione certis diebus cum eorum rebus predictis in eadem civitate Cassoviensi deberent demorari, elapsis vero huiusmodi diebus easdem res eorum mercimoniales, quas ibidem venditioni exponere non valerent, per totum regnum nostrum Hungarie predictum quo vellent causa venditionis liberam deferendi haberent facultatem; in quadam concordia inter eundem dominum Ludovicum regem ac dominum Kasmerium olym similiter regem Polonie facta libertatos et premunitos fuisse declarando, contra cives et communitatem dicte civitatis nostre Cassoviensis proposuerunt eo modo, quod licet ipsi cives et mercatores Cracovienses prescriptis gratiarum et libertatum prerogativis modo quo supra sint et existant premiati et premuniti, tamen prescripti cives Cassovienses in contrarium libertatis eorum predicte eorundem mercatorum Cracoviensium mercimonia predicta ultra ipsam civitatem Cassoviensem eis déferre non permitterent, sed eos cogèrent universa eorum mercimonia pro eorum venditione in dicta civitate Cassoviensi deponere et collocare, in eorundem iuris preiudicium valdemagnum; quare ipsi mercatores Cracovienses se ex parte dictorum civitatum Cassoviensium iudicium et iustitiam habere vellent iure requirente. - Quo audito providi Johannes Farkas et Ladislaus Knoll cives predicte nostre civitatis Cassoviensis pro se ac pro tota œmmunitate dicte civitatis exurgentes responderunt ex adverso, quod hoc verum esset, ut ipsi cives Cassovienses prescriptos mercatores dicte civitatis Cracoviensis eorum mercimonia in dicta civitate Cassoviensi pro venditione reponere compellerent, nec sinerent eos eadem ad alia loca regni nostri Hungarie predicti ultra ipsam civitatem venditionis causa deportare, sed iidem hoc indebite non facerent; nam ipsi id faciendi ex gratiis et prerogativis eis a dudum concessis liberam haberent facultatem; et ibidem in declarationem huius duas litteras privilegiales nobis presentarunt, quarum prima prefati scilicet domini Lodovici regis dupplici eius sigillo pendenti communita, anno Domini millesimo trecentesimo sexagesimo quarto, tertio nonas Octobris, regni autem sui anno vigesimo tertio (1364. okt. 5.)