Jakó Zsigmond: Erdélyi okmánytár I. (1023-1300) (Magyar Országos Levéltár kiadványai, II. Forráskiadványok 26. Budapest, 1997)
OKLEVÉLKIVONATOK ( 1 —603. sz.)
A kiadatlan oklevél szövege: Paulus banus universis, quibus expedit, tam presentibus, quam futuris salutem in domino sempiternam. Omnia sunt hominum tenui pendentia filo et subito casu, que valuere, ruunt. Ideo consequens est ac pium esse dignoscitur, ut ea, que vivaci memorie sunt commendanda, literarum testimonio roborentur. Ad universorum igitur notitiam tarn presentium, quam futurorum harum serié volumus pervenire, quod cum de pugna contra regem Bohemie in Mosonio per nos facta cum summa victoria ad dominum regem Stephanum fuissemus reversi, cuius victorie privilégium ad barones totius Ungarie idem dominus rex Stephanus pie recordations detulit, habito et recepto consilio palatini et magistri Benedicti vicecancellarii sui ac omnium baronum suorum hanc gratiam concessit, ut omnes possessiones nostras tam hereditarias, quam per ipsum collatas, antequam viam universe carnis ingrediamur, cuicunque vellemus liberam habeamus disponendi et conferendi facultatem. Cum ením nos nostris meritis exigentibus solatio heredum careremus et pro filiis nobis fratres nostros filios Joannis comitis charissimi fratris nostri haberemus, volumus et decemimus, ut possessiones nostre tarn hereditarie, quam in recompensationem servitiorum nostrorum et effusionis sanguinis nostri per dominum regem nobis collate, nobis viventibus, eisdem per nos dividantur tanquam filiis nostris charissimis. Divisimus autem eisdem et distribuimus tali modo, quod terram nostram Erdizadkezi vocatam, cum omnibus suis pertinentiis et metis, quibus ipsa terra ab antiquo extitit limitata, terram nostram Lipocz nuncupatam, Castrum nostrum Sólymos vocatum cum medietate silve ad ipsum pertinentis dedimus Pouse comiti, fratri nostro per omnia perpetuo possidenda[s]. Insuper servos nostros, scilicet Benedictum cum molendino et Chotov cum uno filio suo, quorum uxores et unum filium dicti Chotov liberavimus, dedimus Pouse comiti antedicto. Addicimus etiam, quod dedimus eidem Pouse comiti silvam nostram Menes vocatam, insuper vineam nostram, quam emimus de Feies Georgio et de Puthus ac vineam, que est ante Castrum Sólymos. Nec hoc pretermittimus, quod ecclesie beate virginis de Solomos, in qua statuimus fratres superpeliciatos ordinis sancti Augustini deo et beate virgini famulaturos, dedimus terram nostram Kuaci vocatam, quam emimus de domina Catharina et unum servum Wolris nomine cum uxore et filiis suis et cum bobus ad unum aratrum sufficientibus. Dedimus etiam eidem ecclesie terram nostram Beti nuncupatam multis temporibus a nobis alienatam, licet quidem sit hereditaria tarnen cum magno labore nostro et expensa requisitam cum duobus molendinis. Quam si fratres nostri de dicta ecclesia revocare voluerint vel abstulerint, anima nostra contra animas ipsorum ante tribunal Christi sit responsura. Insuper vineam nostram de Bud emptam reddimus ecclesie superius annotate. Cuius ecclesie patronatum dedimus et contulimus Pouse comiti antedicto. Preterea patronatum monasterii sancti Petri de Harduld dedimus Stephano et Pouse comitibus, magistro Nicoiao preposito Chanadiensi, magistro Paulo et Joanni fratribus nostris charissimis ita, ut de communi eidem monasterio studeant et teneantur providere. Tertia etiam pars terre Vecil nostre hereditarie cedit in ius et proprietatem ipsorum, due vero partes monasterio de Prasna. Insuper salisfodinam nostram de Turda dedimus ad communitatem ipsorum ita tarnen, quod decimam salium de ipsa salisfodina provenientium perpetuo et irrevocabiliter ecclesie beate virginis de Sólymos dare debeant et teneantur. Ut igitur hoc gestum ratum et firmum perseveret, nec aliquis fratrum nostrorum in irritum possit revocare, sigillo nostro et
