Antonius Fekete Nagy: Monumenta rusticorum in Hungaria rebellium anno MDXIV (Magyar Országos Levéltár kiadványai, II. Forráskiadványok 12. Budapest, 1979)
MONUMENTA
1514 Maio mense — Patak 50 Ignotus belliger cruciferorum Michaelem Hetelei castellanum castri Tokaj nominan rogat, ut cruciferos in carcerem inclusos vivos teneat, dum ipse belliger eos iudicabit. In charta 22x23 cm. Copia eiusdem temporis simplex. Sign. Archivum Civitatis Cassoviae: Supplementum H, no 299. Ed. Századok 6 (1872), p. 442. Ann. Litterae istae ante expeditionem cruciatam ob excessus cruciferorum hic etiam dictos revocatam datae esse videntur. Servicia accomodatissima debita cum dibgencia! Egregie domine nobisque colende ! Intelleximus ex relatibus nonnullorum, quatinus de fratribus nostris seu cruciferis ausu temerario necasti ac interfecisti et insuper ex eis 5 aliquos tenes carceratos. Ceterum significamus tenore presencium, quod si contingenter aliquis ex fratribus nostris quid mali fecisset, non oportuisset ex eis quemquam necare tua potestate et eos carcerare, sed tenuisses eos ad aliquos dies et iusticiam omnimode administrassemus et de tua opprobria satisfecissemus. Bene de hac re consuleas et cogites, quod 10 contra mandátum sanctissimi pape necnon reverendissimi domini archiepiscopi ac contra totum regnum seu fidem Christianam talia facere ausus es, quod est contra Deum et contra fidem Christianam. Ideo rogamus, quatinus quos tenes carceratos, eos minime perdere properes, sed eos teneas aliquos ad dies, de hac re iusticiam facere volu15 mus. Quia si eos perdideris, Deus altissimus ac sancta crux, cuius Signum triumphale gerimus in pectore, adiuvaverit, de qua nullatenus diffidimus nos fratres seu cruciferos quousque unus ex nobis manserit, minime eos relinquemus, sed de opprobriis eorum ulciscemur et omnia bona tua seu possessiones devastabimus et funditus delebimus. 20 Ex Patack. Belliger cruciferorum. In dorso: Egregio domino Michaeli Heteley necnon castellano castri Thokay presentetur. 1514 Maio et Iulio mensibus 51 Iohannes Guspinianus ad dies fastorum de insurrectis rusticis annotat. Ed. Mitteilungen des Instituts für österreichische Geschichtsforschung 30 (1909), p. 311 Ann. Iohannes Cuspinianus eorundem ad dies fastorum ac Hieronymus Hradessin annotare videtur (v. no 18). MAIUS Isto mense surrexit quedam incondita multitudo rusticorum cruce signati in Hungária et fecerunt inauditam crudelitatem. IÜLIUS Hoc die captus est Zeckel Georgius capitaneus cruciatorum in Hungária et occisus. 50: 9 rede: tuis opprobriis cf. vers. 18 || 22 post Michaeli del. de 51: 2 recte : signatorum
