Antonius Fekete Nagy: Monumenta rusticorum in Hungaria rebellium anno MDXIV (Magyar Országos Levéltár kiadványai, II. Forráskiadványok 12. Budapest, 1979)
MONUMENTA
1514 Iunii 16 — Szentlőrinc 74 Comitatus Nógrádiensis, Hontensis, Pestiensis et Hevesiensis civitates Cremniciensem, Semniciensem et Neosoliensem recensitis duorum mensium rebus rogant, ut civitates armis ad profligandos cruciferos necessariis succurrant. In charta 22x23,5 cm restaurata. Sigillum acida tectum anulare, quod litteras olim clausit. Sign. Archivum Hungariae Nationale: DL 47080 (ante: Archivum Musei Hungariae Nationalis). Prudentes et circumspecti viri fratres et amici nobis honorandi ! Quanto in periculo miserabile regnum istud impresenciarum versatur, quanta deinde homicidia, stupra, adulteria, cedes et incendia maledicti crucifixores illi, qui se se cruciferos appellabant, non tamen crucigeri, sed 5 crucis pocius Christi persequutores fuerant, hoc in regno et presertim ultra fluvium Ticie patraverunt et intullerunt, d(ominaciones) v(estras) audivisse pariter et intellexisse credimus. Contra quos per duos iam prope menses in campo et castris exercitualibus egimus et Deo nobis propicio magnam illorum partem ante opidum Pazthoh iam pridem profligavimus, 10 aliqua deinde castra et conventícula eorum discipavimus et dissolvimus. Nunc tamen cum equis fatigatis et viribus ac sumptibus exhaustis nos et equos nostros paululum reficere statuissemus, acerbum quoddam novum nos tetigit, quod videlicet duo castra rusticana sub nomine ipsorum crucifixorum seu cruciatorum aggregata Ticiam traiecissent ad 15 nostrasque partes venissent et unum illorum prope Warkon, alterum vero penes opidum Hewes metatum extitisset nos quoque simili clade afficere et deinde eciam alia loca depopulari satagentes. Ad quorum quidem rusticorum et crucifixorum rabiem sedandam proterviamque ipsorum domandam et virtutem ac exercitum eorum conte20 rendum alieno quoque auxilio summe indigemus. Et quia eciam dominaciones) v(estras) membra sacre corone regni huius esse scimus, propterea easdem instantissime petimus, velint tam ipsorum propriam quam eciam nostram salutem et pacem pre oculis habere atque aliquo certo pixidariorum numero nobis iuxta facultatis eorum exigenciam subvenire et 25 citissime succurrere, nam aliter brevi de nobis et vobis, quod Deus avertat, actum erit. Secus igitur ne fecerint, iterum rogamus, quas et felicissime valere optamus ! Ex castris exercitus regii prope villám Sancti Laurencii metatis in 30 crastino festi sacratissimi corporis Christi anno eiusdem 1514. Universitas nobihum Newgradiensis, Honthensis, Pesthiensis et Hewesiensis comitatuum etc. In dorso: Prudentibus et circumspectis iudicibus ac iuratis civibus ceterisque inhabitatoribus civitatum montanarum Crempniciensis, Sebni35 cziensis et Bistriciensis etc. fratribus et amicis nobis honorandis.
