Franciscus Dőry: Decreta Regni Hungariae : Gesetze und Verordnungen Ungarns 1301–1457 (Magyar Országos Levéltár kiadványai, II. Forráskiadványok 11. Budapest, 1976)

Decreta

conthoralis sue carissime, domine nostre naturalis gratiosus annuit et concessit concessosque roboravit, ideo, ne idem dominus noster rex tamquam novitate sui regiminis rungens de nobis suis fidelibus hucusque volente dominó a primőrdio huiusmodi sui regiminis adhuc in nulla sinistra malivolentia notatis aliquali imposterum de observanda per nos fidehtate dubietate ducatur, primum et ante omnia ultra et preter alia fidelitatis nostre sue maiestati hactenus ostensa indicia ex nunc tam nostro, quam etiam omnium aliorum procerum et nobilium predicti regni absentium plenam in eorum personis in hac parte respondendi potestatem habentes nominibus promittimus et bona fide efficacissime spondemus prefatis dominó nostro Alberto regi et domine regine sue conthorali, quam principaliter hoc regnum iure geniture concernere dinoscitur, fídelitatem illibatam in omnibus eis beneplacitis irrefragabiliter observare, sic quod etiam maiestates ipsorum domini nostri regis et domine regine nos et totum regnum suum in quibuscunque nostris et ipsius regni sui necessitatibus non deserant, sed fideliter et toto posse eorum nobiscum pariter ipsum regnum et nos omnes regnicolas ab omnibus emulis defensare ac in omnibus tarn premissis quam etiam in singulis aliis bonis et laudabilibus ac iustis antiquis consuetudinibus nostris et regni Hungarie predicti inviolabiliter conservare teneantur. Et quod super premissa nunc obtenta et superius specificata concessione ex parte dicti domini nostri regis et ipsius domine nostre regine per omnia contenti etiam per presentes promittimus de cetero et per amplius ullo unquam tempore ipsos dominum nostrum regem et dominam reginam per quarumcumque novarum adinventionum leges preter premissas nunc modo quo supra per preallegatum dominum nostrum regem concessas, quam etiam alias antiquas bonas consuetudines atque leges nobis dari petendas inquietare aut qualescunque imposterum concessiones, que se ultra premissorum contenta protenderent, nobis tradi seu in consuetudinem et legem ascribi nolle nec debere, sed sicut premisimus, super hiis contenti remanentes contra omnes et quoslibet cuiuscunque status et conditionis homines, qui hec ipsa, que supra in tenore dictarum litterarum continentur, ac cetera modo prescripto specificata quavis illicita occasione impugnare molirentur, ipsis domino nostro regi et domine regine assistemus et sibi pro illorum protervia domanda et compescenda cooperabimur toto posse; harum nostrarum litterarum, quibus sigilla nostra appensa sunt, vigore et testimonio mediante. Datum Bude predicta, sabbato proximo ante dictum festum sancte Trinitatis, anno domini millesimo quadringentesimo tricesimo nono supradicto.