Franciscus Dőry: Decreta Regni Hungariae : Gesetze und Verordnungen Ungarns 1301–1457 (Magyar Országos Levéltár kiadványai, II. Forráskiadványok 11. Budapest, 1976)
Decreta
cambio exponere non curaret b , illic et in illis comitatibus iura sua perdendo nec dicam faciendi, nec lucrum camere exigendi habeat c facultatem. XVIII. Solventibus autem in quolibet comitatu unus locus communis et conveniens pro dicta solutione deputetur, et si qui presentes pre multitudine solventium aut aliquo impedimento alio prepediti die assignato solvere non possent, absque aliquo gravamine quatuor diebus continuis expectentur, nec infra ipsos quatuor dies integros, si solutionem fecerint, possint aggravari. XIX. Hoc expresso, quod iidem comites camere ipsum lucrum camere ratione cambii signanter impositum non aliter, videlicet cum Wyenensibus aut aliquibus antiquis denariis vel grossis per formám compositionis aut alicius alterius coloris cautela, nisi cum ipsis integris denariis camere nostre ampliandis exigere tenebuntur; et quod universos denarios antiquos aut Wyenenses grossos, tam Bohemicales, quam Racenses a et alios, cuiuscunque forme existant, exceptis solummodo presentibus integris denariis camere nostre perpetuo currere statutis comburrere et infundere ac in formám modernorum denariorum nostrorum redigi facere pro multiplicatione eorundem teneantur, conditione tali, quod si qui facta dicatione in termino assignato lucrum camere non persolverent, tunc iidem quinque homines ad possessionem, de qua ipsum lucrum camere non est persolutum, accedant, et tamdiu moram ibi faciant absque destructione et spoliatione possessionaria, in expensa moderata eiusdem possessionis, donec ipsum lucrum camere cum iudicio trium marcarum persolvatur. XX. Si vero populi vel domini villarum non solventium lucrum camere prenotate preterito termino solutionis dictis hominibus in officio camere procedentibus cum pecunia debita et iudicio ordinato extra villám obviarent placaturi, extunc ipsi executores negotiorum camere in talibus villis descensum facere non valeant aliqualem. XXI. Comites autem parochyales 3 et iudices nobilium favore vel pretio corruptos iustitiam camere celantes et homines de dicta solutione deferendentes vel quoquo modo contra nostram ordinationem procedentes, dummodo contra ipsos hoc evidenter possit comprobari, penis non solventium decrevimus puniendos. XXII. Et quia promisimus seriem omnium premissorum inviolabiliter observare, volumus, ut iidem comites camerarum nostrarum immutabiliter in premissis perseverent. E converso nec remedio aliquarum litterarum post emanationem presentium confectarum aut acquisita aliqua astutia quicquam immutare queant de singulis premissorum. Quia si qui contra hoc facere ex ipsis comitibus camerarum attemptarent, dictos quinque homines, sine quorum iuvamine lucrum camere exigendi nolumus eos habere facultatem, a societate ipsorum auctoritate presentium iubemus separari. Nam hanc dicam non pro exactione antiquarum monetarum aut Wyenensium, sed pro ampliatione monetarum camere nostre perpetuo discurrere in toto regno nostro ordinatarum duximus disponendam. XXIII. Item volumus, quod dicti comites camere nostre absque predictis quinque hominibus in negotiis camere exterioribus seu extraneis, videlicet in comitatibus fiendis et peragendis, utpote in dicationibus et exactionibus lucri camere nichil possint exercere. Si vero ausu temerario contra hoc procederent et in hoc malum aliquid paterentur, merito patientur et sustinebunt. XVII. b A curarent 0 A habeant XIX. a B Bachienses; Kovachich Baczienses; Schönwiesner Pachienses. XXI. a A supra lineam Signum abbreviationis superfluum
