Szentpétery Imre: Az Árpádházi királyok okleveleinek kritikai jegyzéke II. kötet 2-3. füzet 1272–1290 (Magyar Országos Levéltár kiadványai, II. Forráskiadványok 9. Budapest, 1961)
1283. Pest. + — a Rátold nb. István fiainak: Domokosnak és Lászlónak, Leustachius fiainak: Rorandus-nak és Deseu-nek, valamint Olyuerius fiainak: Reynoldus-nak és Miklósnak a Somogy megyei Patha és Zenthgurg nevű birtokaikkal kapcsolatban kiváltságokat adományoz. Eredeti: 49,4 X 34,2 cm. Díszes kezdő L. Függőpecsételés nyoma. Dl. 89.258. (Radvánszky lt.) Az oklevél szövege: Ladizlaus dei gratia Hungarie, Dalmacie, Croacie, Rame, Seruie, Gallicie, Lodomerie, Comanie Bulgarieque rex omnibus Christi fidelibus tam presentibus, quam futuris presens scriptum inspecturis salutem in salutis largitore. Cum bene meritis favor debitus inpenditur et sinus dilectionis panditur fideliterque obsequentibus digna merces redditur, deus piacari creditur et subditi ad fidelitatis studia exercenda provocantur accedunturque spe et desiderio retributionis amplioris, ad universorum igitur notitiam harum serié volumus pervenire, quod nos consideratis fidelitatibus et fidelium servitiorum preclarys meritis magistrorum Dominici et Ladislai filiorum Stephani, Rorandi et Deseu filiorum Leustachii, Reynoldi et Nicolai filiorum Olyuerii de genere Ratoldy dilectorum et fidelium nostrorum nobis in diversis expeditionibus regni nostri laudabiliter ac devote exhibitis et inpensis, specialiter autem tunc, cum Comani temeraria et vesana presumptione inducti contra nostram maiestatem surrexerant et nos levato exercitu nostro ad expugnandos, debellandos et compesscendos eosdem Comanos personaliter accesseramus, iidem Comani hostiliter contra nos et exercitum nostrum irruentes nobiscum bellum inyerunt, in quo bello seu pugna iidem magistri Dominicus, Ladislaus, Rorandus, Deseu, Reynoldus et Nicolaus tamquam leones intrepidi cum ipsis Comanis pugnaverunt occidentes et vulnerantes quamplures de eisdem, ubi Laurentius fráter eorundem, filius eiusdem Stephani laudabiliter debellando vitám suam pro fidelitate sacre corone regié debita terminavit. Nos igitur, quem ius ammonet, equitas inducit, benignitas interpellit et dignitas officium exortatur, merita servitiorum cunctorum nobis fideliter famulantium oculo pietatis intueri et unicuique iuxta meritum remunerationis premio respondere, considerantes et in memóriám nostre maiestatis revocantes fideles famulatus, quos memorati magistri Dominicus, Ladislaus, Rorandus, Deseu, Reynoldus et Nicolaus in expeditionibus regni nostri cum favore fidelitatis nobis et regno nostro fideliter inpenderunt et specialiter pro morte eiusdem Laurentii fratris eorundem, qui in exercitu nostro, quem ut premisimus, contra Comanos prelibatos moveramus, extitit interemptus, hanc gratiam specialem de benignitate regia eisdem duximus faciendam, ut populi seu iobagiones ipsorum in possessionibus eorum Patha et Zenthgurg vocatis in comitatu Symigiensi existentibus a iudicio et iurisdictione quorumlibet comitum Symigiensium et regni palatini exempti penitus et excepti habeantur, nostre iudicio solum modo eosdem reservantes. Item concessimus eisdem, quod fórum in die sabbati in singulis ebdomodis in prenotata possessione ipsorum Paatha vocata valeat cclebrari, cuius fori tributum sic exigi decrevimus et recipi, prout infra nominatur, videlicet de uno curru salifero pro tributo unum sale et duo denarii pro tempore currentes exigantur, item de uno curru pondus ferenti tres denarii similiter pro tempore currentes recipiantur, item de uno pedite pondus habenti unus obulus, item de curru vacuo unus denarius tollantur, item de cadriga una, que masa dicitur, quatuor pondéra vei XXIIII denarii exigantur, item de tunica et clamide gravis Dorneti simplicis et de Ipri, que de pannis abciduntur, duo denarii recipiantur pro tributo, item si quis bovem vei vaccam venderet, de venditione unus denarius et de emptione similiter unus denarius recipiantur pro tributo, item de venditione equi duo denarii, de emptore vero eius totidem tollantur denarii pro tributo, item de aliis rebus minutis iuxta qualitatem et quantitatem suam secundum antiquam consuetudinem tributa exigantur, volumus tamen, ut quia ante prefatam villám transitus pontis habetur, ideo de predictis curribus etiam in simplicibus diebus tributa exigantur annotata, item committentes sanximus, ut nullus nobilis de predicto comitatu in possessione sua infra unum miliare in preiudicium fori dictorum fidelium nostrorum possit fórum et valeat proclamare seu celebrare. In cuius rei memóriám perpetuamque firmitatem presentes concessimus litteras nostras privilegiales pendentis sigilli nostri munimine roboratas. Dátum in Peest per manus discreti viri magistri Bartholomei aule nostre vicecancellarii dilecti et fidelis nostri, anno domini M° C°C° LXXX mo tertio, regni autem nostri anno undecimo. 1 E mértékekre vonatkozóan vö. Fejér V. 3. 167.
