Mályusz Elemér: Zsigmondkori oklevéltár I. (1387–1399) (Magyar Országos Levéltár kiadványai, II. Forráskiadványok 1. Budapest, 1951)

1389 augusztus 16 139 eorum cuidam comiti suo terrestri Stephano nomine ex consensu ipsius Iohannis bani assignasse!, eundem predium ab ipso comité auferendo omnes fruges et apes ipsius Stephani comitis potentialiter recipi fecisset ipsumque Stephanum comitem in domo sua propria, videlicet ipsius comitis in centum florenis pactasset, e quibus ibidem sexaginta florenos ab eodem recipiendo ipsum comitem taliter iurare fecisset, ut ipsum pactum annotatis magistris Nicolao et Ladislao dominis suis non revelaret, item quedam retia ipsorum communia potentialiter pro se ipso recipi fecisset, insuper a quadam domina relicta, videlicet Iohannis filii Georgii iobagionis ipsorum communis in possessione eorum Hwzyfalu vocata commorantis quindecim marcas denariorum Viennensium recepisset, de quibus ipsis nullám portionem assignasset, item quendam molendinatorem ipsorum communem Michaelem nomine in eadem Lyndua residentem absque scitu ipsorum magistrorum Nicolai et Ladislai captivando et in suis vinculis diutius mancipando omnes res et bona sua abstulisset, item in possessionibus eorum ipsos communiter tangentibus in regno Sclauonie existentibus dacia necnon quamplurima victualia in eorum possessionibus ubilibet existentibus exigi fecisset, insuper quendam iobagionem ipsorum communem, videlicet lohannem filium Thome captivari et carcerari ac tandem in divisione inter ipsos habita fundos et vineam necnon octo tunnellas vini ipsius Iohannis filii Thome aufferri ac duos boves Stephani rufy similiter iobagionis ipsorum communis in possessione eorum Wyfalu vocata commorantis recipi et aufferri fecisset, item in quadam silva ipsorum communi quamplures porcos iobagionum eorum et aliorum hominum occidi fecisset, item duas vineas a quibusdam iobagionibus ipsorum communibus ad ipsos devolutas potentialiter pro se ipso occupasset et occupatas detineret de presenti, item quosdam quatuor equos ipsorum communes in villa eorum Pethushaza vocata existentes pro ipso recipi fecisset, item duos fundos curie in dicta Lyndua existentes ad eos de iure volutos pretio vendidisset, de quibus omnibus premissis idem Iohannes banus nullám portionem ipsis magistris Nicolao et Ladislao assignasset, sed omnia premissa apud se conservaret de presenti, quibus premissis non contentus tandem quendam clavigerum ipsorum Petrum nomine propriis suis manibus diris verberum plagis afficiendo sexaginta cubulos necnon sexaginta capetias frugum eiusdem potentialiter et indebite abstulisset, item quendam fundum curie ipsorum magistrorum Nicolai et Ladislai in possessione ipsorum Hwzyfalu vocata existentis, in quo quidam Iohannes filius Petri residebat, pro se ipso occupasset et occupatum detineret de presenti, item unum iobagionem ipsorum Vrban vocatum non optenta licentia simulcum duobus bobus ad portionem suam possessionariam abduxisset moraturum, item duos equos cum curru ac omnes et singulas fruges Thome filii Stephani iobagionis ipsorum in possessione eorum Mumur vocata commorantis potentialiter pro se recipi fecisset, item unum vas vini Nicolai filii Finta in possessione eorum Nemthy vocata commorantis iobagionis ipsorum potentialiter abstulisset, item similiter unum vas vini a iobagione eorum Bartholomeo nomine in possessione Oltharch vocata commorantis potentialiter pro se recepisset idemque Iohannes banus omnibus premissis non contentus tandem ipso magistro Nicolao in exercitu regali existente predictum comitem ipsorum terrestrem Stephanum nomine captivare voluisset idemque comes tandem timore preventus ad servitia eorundem magistrorum Nicolai et Ladislai dominorum suorum accedere non pressumpsisset, ubi iidem magistri Nicolaus et Ladislaus plusquam centum marcarum dampna perpessi extitissent, item unam curiam iobagionis ipsorum in possessione eorum Kebelye vocata commorantis penitus destrui et anichilari fecisset, item unam domum in por-