Dóka Klára: Latin forrásszöveg olvasási és fordítási gyakorlatok II. (Levéltári módszertani füzetek 7. Budapest, 1988)

XXV. Rába-szabályozási terv, 1815.

et fere ad eandem cum ripis altitudinem elevari solent. Correctio autem duplici hoc respectu in tantum est possibilis, si capita molarum et aggeres, quantum fieri potest deprimantur, et ad singulas molas laterales canales formentur. /.../ Haec autem molarum reductio, quibus ad exemplum inferiorum et fertilissimarum regni partium, molae siccae substituí possent, regulationi Arabonis, ad Jaurinum próxima, succedere deberet. Respectu exundationum supra oppidum Sárvár sufficere existimo, si ad singulas molas laterales canales ducantur. 4.Inter obstacula aquae referri etiam possunt arbores ex ripis ab incautis et avaris manibus procul in aquam immissae. Hi abusus passim obvii, auctoritate publica coerceri debent. 5. Hue accedit porro neglectus repurgationis a truncis et arboribus In ipso álveo haerentibus. Cura haec certis individuis, mutuo inclytarum jurisdictionum consensu denominandis, sub onere responsionis concredenda foret. 6. Memoratis impedimentis addi denique possunt pontes in locis arctioribus exstructi, superfluis fulcris provisi, vel debitam altitudinem non habentes, quales in territoriis possessionum Keszo et Csécsény observavi. Et hoc objectum, majori quam hactenus, attentione publici dignum esset. Quod autem paludes Marczal attinet, earum deri

vatio, ante regulationem Arabonis infra confluxus punctum usque Jaurinum, cum successu suscipi nequit. Sed nec correctio fluvii Rabcza, quae praeter repurgationem alvei, unice in transsectionibus flexurarum consistet, ante separationem Arabonis ad confluentem cum effectu tentabitur.