Mályusz Elemér szerk.: Magyar protestáns egyháztörténeti adattár. XV. Budapest 1934.
A Thurzó-levéltár egyháztörténeti iratai 1-265.
eeres domini, domini cognati, amici et vicini ac confoederati, summo cultu observantiae semper persequendi. Inexpectati et insperati appulerunt exhibitores literarum V-ae C-nis, Comes illustrissime, Vestrarumque Dominationum illustrissimarum, magnificarum, generosarum, quibus cum oretenus contulissemus et tandem ex literis V-arum D-num illustrissimarum, magnificarum, generosarum mentem earum fusius, planiusque intellexissemus, e vestigio (ne forte ob diuturniorem moram et cunctationem impedimento esse viderer legatis D-num V-arum illustrissimarum, magnificarum, generosarum) respondendum duxi: Constat mihi, illustrissimi Proceres, quam ex literis ad illustrissimum dominum comitem regni Hungáriáé palatinum antea transmissis, quam ex aliis actis, iam antea publicatis, totius causae D-num V-arum illustrissimarum, magnificarum, generosarum ordo et processus, innotuit aequitas, perlata ad me non vano rumore pietas. Sed quid nos Evangelicae confessionis et Augustanae proceres regni Hungáriáé vel etiam aequissimae causae, non requisiti hactenus, patrocinari potuerimus, iudicent D-nes V-ae illustrissimae, magnificae et generosae. Literas enim ad Status et Ordines regni in praeteriti anni diaeta transmissas, tantum abest, ut Status et Ordines regni viderint, continentiasque illarum intellexerint, ut vix exigua pars Ordinum legatum ipsum etiam conspicere potuerit, (quis enim status fuerit ablegati D-num V-arum illustrissimarum, magnificarum, generosarum vel me tacente, scio perspectum habent). 1 Nunc iam postea quam ipsis totius causae cardo innotuerit, nulli dubitent D-nes V-ae illustrissimae, magnificae et generosae, quin id facturi sint Status et Ordines Evangelicae et verae orthodoxae religionis, quod ipsa pietas, quod causae ipsius aequitas, quod confoederationis necessitas, quod denique conscientiae puritas dictaverint. Quantum ad me attinet, ego nihil verbis nec scripto pro tempore polliceri possum, illud enim loci distantia vetat, hoc temporis iniuria prohibet, nihilominus tamen certo sibi persuadeant D-nes V-ae illustrissimae, magnificae ac generosae, me fuisse semper et futurum ad extremum usque vitae halitum orthodoxae Augustanae confessionis alumnum, et in quantum fieri potuit, poteritque, promotorem. Servet Deus D-nes V-as illustrissimas, magnificas, generosas longum feliciter valentes. Largiatur post hanc flammam belli exoptatum favonium pacis, libertatisque omnium nostrum restaurationem. Datae in arce mea Byttchensi die 23 Maii anno Domini 1619. Kívül: Rescribitur Austriacis, Hungaros fore propugnatores tarn Evangelicae quam Augustanae confessionis. 1 Az osztrák protestánsok 1618. május végén az országgyűlésre követet küldtek s kérték a rendek segítségét, hogy Thurzó György által 1610-ben kivívott jogaik helyreállíttassanak.
