Zsinka Ferenc szerk.: Magyar protestáns egyháztörténeti adattár. XII. Budapest 1928.
1.-90. Oklevelek a reformáció első századából
denter, necnon palám et intelligibili voce ex parte nostra moneatis, et in eorum propriis personis requiratis, universos et singulos utriusque sexus homines, quos vobis praedictus egregius Christopherus Bossany, aut ipsius procurator praesentium scilicet ostensor duxerit nominandos, usque ad numerum quadraginta personarum, quos et nos serié praesentium requirimus et monemus, ne cum praefato nobili Wolffgango Desew excommunicato et aggravato in cibo, potu, loquella, emendo, vendendo, pistando, molando, aquam et ignem dando, aut alio quovismodo cum eo contrahendo participare, seu aliam quamvis communionem habere praesumant. Sed ab huiusmodi participatione, seu alia quavis communione praefati nobilis Wolffgangi Desew, excommunicati et aggravati effectualiter abstineant, quam potius eundem evitare debeant. Tamdiu donec in huiusmodi excommunicationis et aggravationis sententiis damnabiliter perseveraverit, ac ecclesiae et nostris venerit parere mandatis, exceptis personis et casibus de jure permissis, et si forsan idem nobilis Wolffgangus Deseo excommunicatus et aggravatus huiusmodi excommunicationis et aggravationis sentencias per quin : decim dies a die huiusmodi vestrae denuntiationis immediate computando, animo (quod deus avertat) sustinuerit indurato et rebelli, ex tunc ut quem amor dei a malo non revocat, saltem saeveritas disciplinae eundem coherceat a peccatis: Post dictorum quindecim dierum spatium, canonica monitione praemissa, ipsum nobilem Wolffgangum Desew excommunicatum et aggravatum extunc prout ex nunc, et ex nunc prout extunc, reaggravamus in his scriptis, quem et vos et vestrum quilibet, in vestris et vestrorum cuiuslibet ecclesiis, singulis diebus dominicis et aliis festis, infra missarum solennia, dum in eisdem ad divina audienda maior convenerat populi multitudo, pulsatis campanis, candelis accensis ac demum extinctis, et in signum maledictionis aeternae in terram proiectis, publice et in ambone excommunicatum aggravatum et reaggravatum de nuncietis seu faciatis denunciari, tamdiu donec a nobis, aut superiori nostro aliud superius habueritis in commissis. Qui vero monitiones et requisitiones huiusmodi vestras imo verius nostras de quadraginta personis nominatim et in specie per vos factas contempserint, et infra sex dierum spatium a die huiusmodi vestrarum monitionis et requisitionis de ipsis factorum computando quos dies eis et cuilibet ipsorum pro primo, secundo, tertio et peremp-
