Zsinka Ferenc szerk.: Magyar protestáns egyháztörténeti adattár. XII. Budapest 1928.
1.-90. Oklevelek a reformáció első századából
relatum nobis in nunc modum, quomodo ipse, die hesterna magnifico domino Valentino Banffy de Thallowcz, supremo capitaneo Kanisiensi, hic in Kapornak cum certis familiaribus suis et subditis existentibus, per eundem dominum capitaneum circa mensam suam, more alias consueto ad prandium fuisset invitatus ibique honorifice et laute fuisset tractatus, vinoque tandem repletus, a mensa recessisset, et exiguo temporis spatio cum quodam germano Martino sartore, stipendiario Kanysiensi, sub ductu et capitaneatu dicti domini Valentini Banffy militante, orta quadam contentione et rixa, idem Joannes presbiter dictum sartorem germanum, ante portám castelli huius Kapornak pacifice constitutum, armata manu invassiset, ibique educto gladio in eundem sartorem feriendo, cuius impetum cum nullo pacto evitare posset, in sui deffensam vim vi repellere volens, dictus germanus sartor, in manu dextra dictum Joannem presbiterum vulnerasset et sacuiasset, quod factum dum dicto dominó capitaneo innotuisset, magno dolore perfusus et conturbato animo existens, volens in illos animadvertere, prout boni capitanei officium exigebat, dictum sartorem detentum, contra dictum Joannem custodem judicio sistere, et cum recognitione juris pervenire, sed quia dictus Joannes presbiter, tactus bona conscientia, considerando id maiori in parte ex intemperantia vini sibi evenisse et propterea nolens cum eo iure agere, sed potius volens hoc vulnus sibi inflixum patienter ferre, ne ulterius ad cognitionem aliorüm extraneorum pro evitanda mala suspitione, hoc facinus extendatur ordinativa itaque compositione egregiorum Balthasaris Ányos de fayz, Vitalis Kwskoczy, Ladislai Egheraly et Martini Oltharczy, notario huius conventus nostri, ad sedulam requisitionem et petitionem dicti Joannis presbiteri apud dominum capitaneum, ne juridice revideretur, interpellante. Hoc factum ad talem pacis et concordiae deduxissent unionem ut dictus Martinus sartor medico, seu curatori vulneris florenos tres solvere debeat, prout persolvit ac de praemissis eaedem partes se se mutuo stipulata manu leconciliando, dictus Joannes presbiter memoratum Martinum sartorem quittum et expeditum ac módis omnibus absolutum reddidit coram nobis harum nostrarum vigore et testimonio literarum mediante. Datum feria secunda proxima post festum beati Thomae apostoli, anno domini millesimo quingentesimo septuagesimo secundo. . Eredeti, papíron, kívül a konvent papírra nyomott pecsétjével.