Zsinka Ferenc szerk.: Magyar protestáns egyháztörténeti adattár. XI. Budapest 1927.
Miskolczi Csulyak István esperesi naplója és leveleskönyve [1-27. sz.] Folytatás
Clariss. dominó Michaeli Szepsino eodem die. Salutem in Filio Dei! Heu, mi domine affinis ! cecidit corona scholae Patakinensis, longissima dignissima vita, Benedictus Bakai die Sabbathi circa decimam pomeridianam, quam tu et ego sperabamus ruinam gymnasii illius resarcituram. Verum fiat voluntas Domini. Nostrum erit quem viventem suspiciebamus, honestissimae ut funerationi adsimus. Si pietati tuae piacet, piacet ministerio Patakinensi et dominae viduae Susannae Szegedi, adjungat sibi ex sua fraternitate pro eo, quem prosecutus fueras amore, aliquot ex dominis fratribus vicinioribus, et adsitis non rosis tumbam ornaturi, quas inclementia bruma sustulit, sed lacrymis, quas pietas subministrat condecoraturi, ad horam octavam matu.tinam 24 Februarii, qui futurus est sequenti die Jovis. Dominus sufficiat vires et valetudinem Patakinum adveniendi. Liscae 21. Febr. 1633. 6. Cursiles ad Keresztúr usque Bári et Toronya, quibus vocavi ad decisionem scholae Bényensis causae Emerici Szalánczi, 27 Febr. die Solis ad 4. Martii die Veneris 1633. Gratiam et largissirftam Dei benedictionem pr. Reverendi et Clarissimi viri, fratres in Christo plurimum et dilecti et observandi! Nuper requisitus a civibus Erdőbényensibus, cum aliquot saltem dominis fratribus transiveram ad cognoscendam scholae rectoris causam per formám visitationis, quae cognita quidem tunc fuit, sed non decisa, etenim propter nonnullorum absentiam pauciore cum essem numero, quam ut decisivam ferre sententiam possem re infecta discessum est et sic labor noster duplicatus est. Verum ne et illi et nos diutius pendeamus animis, pietates vestras Reverendás iterum requiro et serio moneo, memores sponsionis vestrae, comparate ad diem 4 Martii, qui fiet sequenti die Veneris bene mane in Bénye, ad negocium illud melius cognoscendum et pronunciandúm, secus non facturae. Venite itaque et salvete una salute omnes.
