Zsinka Ferenc szerk.: Magyar protestáns egyháztörténeti adattár. XI. Budapest 1927.

Miskolczi Csulyak István esperesi naplója és leveleskönyve [1-27. sz.] Folytatás

Salutem a Domino, vitaeque felicioris usuram precatur. Reverendi domini! coelestis ille paterfamilias, cujus in manibus vita et mors ad arbitrium serviunt, citius spe nostra ex consortio in lacrymarum valle viventium ad coelestem pátriám praeripuit nobis Reverendum ac virum domini Matthaeum Szepsinum, fideliss. apud Erdőbényenses in vinea Christi operarium, phosphorum presbyterii nostri, dilectiss. meum fratrem et vicinum heri hora septima vespertina, cujus exsangue cadaver sequenti die Dominico hora octava matutina communi consensu constituimus humi mandare. Quare hos universos hortor et moneo (jurisdictioni meae scilicet subjectos), aliis vero fraterne intimo, ut qui viventem singulari amore prosecuti estis, etiam denatum amicitia vestra prosequamini, prosequimini vero, si ad dictum diem in Bénye vosmet stiteritis. Tu vero Clariss. domine Komjáti et domine Steph. Tholnai parata adsitis concione ad parentandum, secus non facturi. Clariss. d. Bakai ex dominis Patakinensis gymnasii studiosis numero XX ad funus cohonestandum secum huc adducat, Valete. Dabam in Bénye 21. Januar, 1633. 2. Cursiles a Liszka ad Patak. Gratiam et pacem in Domino precatus, prosperioris vitae usuram impertiari vobis a Domino desidero. Quandoquidem senatores Erdőbényenses propter excessus quosdam vix silentio sepeliendos, eo ipso die, quo Clarissimus dominus Matthaeus Szepsi beatarum animarum choro associatus est, autoritate Ecclesiae quaedam vina ad tempus visitationis nostrae arresto detinuerunt, instant iidem apud me, ne differam tempus ad ipsos transire, et querimonias eorum recognoscere. Quorum ego postulatum, quia non aestimo unius assis futurum, decrevi, si Dominus voluerit, Erdőbényem sequenti die Jovis, hoc est 10. Februarii bene mane transire et vobiscum una ab ovo, quod dicitur, ad usque mala negocium cognoscere et, si fieri poterit, componere. Quare Reverendás et Clarissimas fraternitates vestras peramantes hortor, ut ad diem 10. Februarii mecum una in Erdőbénye compareant. Secus non facturae valete. Dabam Liscae Dominica Quinquagesimae a concione matutina, anno ultimae Christi patientiae 1633.