Pokoly József szerk.: Magyar protestáns egyháztörténeti adattár. X. Budapest 1911.

II. Miskolczi Csulyak István esperesi naplója és leveleskönyve.

adhuc exsulii squalore conficiamini. Verum soletur nos illud Christi et Apostolorum, ista nos debere pati, et sic per multas tribulationes ingredi aulám coelestem, omnis tribulationis expertem. Confidite, per gravia ad ardua, vicit Christus mundum pro nobis, ideöque nihil juris mundus in nos habet. Per legatos vestros D. D. Paulum Carnum et Martinum Drahovium ex collectis nostris misi vobis quindecim thaleros imperiales. Dominus, qui farinam oleumque Sareptanae ad annos famis multiplicavit, exiguam istam pecuniolam multiplicet, ut ad usque reditum vestrum in pátriám vestram charissimam egestatem nullám sentiatis. Valete. Lisca 24. Novembris. 58. Reverendis pastoribus in Ujhely, hinc duo; Thoronya, Csörgő, Lasztócz, Redmecz. Salutem in Filio Dei p. Vis illata est per quendam rectori scholae in Thoronya, quem jam facti coepit poenitere, rectoremque amicum vult ex inimico facere, propter quam per loci pastorem a sacro ministerio tamdiu exclusus est, quamdiu negocium hoc compositum erit. Quare feriis Natalitiorum adventantibus ne ecclesia illa rectore suo orbata damnum patiatur, moneo Reverendás pietates vestras, adeste in superiori Thoronya, mane ad 13. Decembris, negocium hoc ita revisurae, ut Dei glória proximique honor permaneat, non periclitetur. Valete. Choragum constituo huic negocio R. d. Iratosium. 59. Ad scholarchas Benyensem et Tholcsvensem. Salutem et amorem. Audio vos, sed cujus indultu, non audio, saepius ad populum ex cathedra concionari, quod canon ecclesiasticus in generali Terebesiensi anno 1626 solenniter inhibuit hac formula: Ne quis ex pastoribus praesumat, sub graviori poena partes concionandi scholae suae rectori committere, antequam stipulata manu promiserit se futurum pastorem. Quare rebus ita stantibus, qua quaeso vos temeritate ducti sine indulgentia nostra cathedram conscendistis ? Aut desistite ergo a coepto, aut fidem vestram dextrae porrectione Ecclesiae comprobate, secus non facturi. Valete. Lisca, 12 Decembris.