Pokoly József szerk.: Magyar protestáns egyháztörténeti adattár. VIII. Budapest 1910.

I. Adatok a dunántúli ref. egyházkerület történetéhez.

Paulus Sallai, Kenyeriensis. Georgius Ludani, Szerecseniensis. Michael Némethi, Fölpecziensis cum venia. VI. De Michaele Sztarino. De Michaele Sztarino, qui Tetino Örsinum, inscio suo presbytero commigravit, ex quo censurae ecclesiasticae subiacere debuisset, deliberatum est, habito respectu venerandae ipsius canitiei, hac vice ecclesiam erga ipsum indulgentia uti, ita tarnen, ut si posthac simile, quid contra canones commiserit, patientia haec nostra ab ipso laesa, in animadversionem commisso ipsius condignam, vertatur. VII. De domino Gregorio Szentgyörgyi. Domino Gregorius Szentgyörgyi ex ea suspicione, quod ecclesiam Csiopakiensem et Palaznakiensem per cuniculos se domino Joanni Debrecino supplantando invasisset, sese mediante iuris iurandi sacramento in conspectu ecclesiae purgavit. VIII. De Johanne Boldaeo. Si Johannes Boldaeus Lazino in Tevely ad socerum suum, usque dum vocatio certa ipsi contingat, habitandi animo se coniulerit, (quia Tevelienses domino Joanni Nemes-Kéri, ministro Tapolczafőensi annuo salario obligantur) ipsisque Teveliensibus, vel ipsorum alicui, donec dictum dominum NemesKerium de suo salario contentaverint, in aliquo negotio ecclesiastico inservivisse convinci poterit, officio suo degradabitur. IX. De ministris sine scitu superiorum locum mutantibus. Si quis minister locum suum sine scitu senioris et presbyteri sui mutaverit, de eo, quod ipsi alter, salario suo ab ecclesia illa ex qua descessit plenarie nondum soluto successit, coram coeto nostro contra succedentem, et ecclesiam conqueri nequeat. X. De Francisco Buzaeo. Dominus senior Joannes Paulides Kanisaeus conqueritur adversus Franciscum Buzaeum, quod liti, quam ad dominum seniorem detulerat, sine scitu et venia senioris cessisset, convenissetque cum suo adversario seculari, non sine honoris senioratus iactura. Deliberatum est, ut Incattus in coetu ecclesiae, dominum seniorem debito modo reconciliet, ac deinceps si aliquando hoc ipsum temere attentaverit, unius anni ministerio privetur. Qui enim minister a seculari aliquo diffamatus aut laesus causam suam ad seniorem suum defert, seniorque eam