Pokoly József szerk.: Magyar protestáns egyháztörténeti adattár. VIII. Budapest 1910.

I. Adatok a dunántúli ref. egyházkerület történetéhez.

officii ratione serio mandamus, sub poena in articulis expressa, ut ad diem praescriptum, in loco praefixo stúdiósé adesse velint. Ordinandos quoque, si qui fuerint, simili ratione monitos et invitatos volumus, sub poena amissionis hactenus indultáé licentiae. Sciant vestrae fraternitates se Deo optimum maximum gratissimum, ecclesiae ipsius utilissimum obsequium praestituras. Deus author et protector ministerii, conservet vos in vinculo unitatis cum caritate. Amen. Datae Weszprimii 23. die Septembris. Anno 1618. Vestri in Domino fratres Stephanus Pathay, superattendens. Johannes Paulides Kanisaeus, minister ecclesiae Papensis, senior m. p. Acta Synodi. In hac synodo hi in ministros ecclesiarum ordinati-sunt: Isaac S. Szerdahelinus, in ministrum ecclesiae Szent-Gáliensis. Gregorius Szalaynus, in ministrum ecclesiae Cseznekiensis. Georgius Regius Rozgonius, in pastorem ecclesiae Fürediensis. Emericus Vepinus, in concionatorem ecclesiae Bankiensis. Benedictus Hercseg, in minist rum ecclesiae Takacziensis Michael Tüskés Zent-Georginus, in ministrum Sancti Nicolai in Német-Uyvár. Jacobus Latinides. Simon Liptainus, in ministrum ecclesiae Nágocsiensis in Somogy. Urbanus Ats, in pastorem ecclesiae Lapaiensis in Somogy. Nicolaus Sagynus, in ministrum ecclesiae Iutasiensis in Somogy. Stephanus Bidmannus, Germanicus ordinatus in ministrum ecclesiae Szalónakiensis Johannes Kindlius, Germanicus in ministrum ecclesiae Kucmeriensis. CONSTITUTIONES 1. De janitoribus. Nemo templo (tempore synodi) sine venia superioris egrediatur. Janitores communi coetus suffragio constituti: dominus Michael Pomperics, et dominus Gregorius Kokas, templo exeuntes diligenter observent. Quisquis ministrorum, extra templum, citra necessitatem rationabilem, unius horae moram nexuerit, ex tempore den. 25. mulctetur, quos janitores sedulo exigant.