Thury Etele szerk.: Magyar protestáns egyháztörténeti adattár. VII. Budapest 1908.

I. A Poprádon felyűl levő szepesi egyházmegye kánonai 1550 körül

rati in vicinoribus locis non ferantur ne confirmetur impietas licentia. CAPITULUM XX. De non immittenda falcé in alienam messem. Nemo ministrorum falcem in alterius messem mittat baptisando, copulando, aut introducendo sponsas vei puerperas: sed, si quid fieri oportet, fiat cum legitimi pastoris consensu, ne detur ministris occasio, iurgandi et auditoribus pastores spernendi, tandemque ecclesiasticam disciplinam et totum ordinem turbandi. CAPITULUM XXI. De introductione sponsarum et puerperarum. Introductio sponsarum et puerperarum non sit superstitiosa et omnibus piis abominabilis, verum pia et decens, sponsa admoneatur, ut in timore vivens, diligens sit materfamilias idque testimonio sacrae scripturae, fiantque communes preces, ut novis Deus coniugibus benedicat. Puerpera similiter admoneatur ad gratiarum actionem, pro admiranda conservatione in partu, et pro regeneratione infantis, adhortetur quoque serio, ut prolem educare studeat in disciplina et timore Dei. Postremum fiant publicae preces ad Deum pro gubernatione et protectione parentum et prolis. CAPITULUM XX ü. De ministerio sacro vocationem et inaugurationem suscipiendo. Cum ministerium alioquin apud vulgus extreme exosum, et summo contemtui sit, nemo ministrorum illegitima alicuius ecclesiae regimini sese ingerere, quod plerumque clandestinis emtitis suffragiis et aliis dolis proh dolor, cum manifeste sacro sancti ministerii dedecore, cum proximi incommodo : cum multorum infirmorum scandalo ; imprimisque cum notabili ecclesiasticorum bonorum imminutione, fieri consvevit (quandoquidem detestanda est haec simonia per sacro sanctum. simplicíter inhibetur Hier. 23) verum quilibet sibi destinatam divinitus, quae sola legitima est vocationem expectare et post modum ablatam acceptamque, in timore et invocatione divini numinis inchoare debet, sic tarnen, ut vei per seniorem cum adiuncto quodam fratre, cui senior id negotii commiserit consveto more in ecclesiam introducatur vei in auguretur.