Thury Etele szerk.: Magyar protestáns egyháztörténeti adattár. VII. Budapest 1908.
XXIII. Köveskút, 1612. nov. 11., 12. Pathay István püspök zsinatot hív össze Köveskútra; a felavatandó lelkészek vizsgálatára a Krisztus személyéről nyolcz tételt tűz ki, s felhívja őket, hogy ezekre legyenek készen.
VI. Quam obrem per et propter hanc naturarum coniunctionem seu unionem non solum, non negamus, verum et fortiter asserimus cum scriptura sacra, sacra excellentia dona, supra omnem creaturae dignitatem in humanam assumptam a filio Dei naturam collata esse, quae* in baptismo facta sint auctiora, in resurrectione, ascensione in coelum, et sessione ad dextram patris maxima, ita tarnen ut perpetuo discrimen maneat inter Deum et creaturam. vn. Inde dicimus filium hominis Jesum Christum esse aeternum, omnipotentem, omnipraesentem in sua propria divinitate, et filium Dei aeternum dominum gloriae in tempore natum, passum, mortuum esse in propria sua carne priori. Petri III. vers. 18. et IV. caput, vers. 10. propria sangvine acquisivisse ecclesiam. Actorum XX. vers. 28. Coelo contineri Actorum III. vers. 21. Indeque venturum esse voce angelica attestante adiudicandum vivos et mortuos in propria sua carne. Et haec realiter a Deo in reali corpore, ab homine in reali sua divinitate propter realem naturarum unionem. Huic adstipulatur Augustinus Epistola 57. ad Dardanum dicens: Utrumque in illo observandum est cum loquitur, vel cum scriptura de illo loquitur et quid secundum quid dicatur intuendum est. Nam sicut unus homo est anima rationalis et caro : sie et unus Christus est verbum et homo proinde quod ad verbum attinet creator est Christus. Omnia enim per ipsum facta sunt. Quod vero ad hominem creatura est Christus paulo post, secundum hominem namque in terra erat non in coelo ubi nunc est quando dicebat, nemo ascendit in coelum, nisi qui de coelo descendit filius hominis qui est in coelo. Quamvis secundum id, quod filius Dei erat esset in coelo, secundum id vero quod filius hominis erat adhuc esset in terra, nondum ascendisset in coelum. Similiter secundum id, quod filius Dei est, sit dominus gloriae, secundum id autem, quod filius hominis crueifixus sit, ait tarnen apostolus, si cognovissent nunquam dominum gloriae crueifixissent. Et per hoc et filius hominis secundum Deum erat in coelo, et filius Dei secundum hominem crueifigebatur in terra. VIII. Eos autem, qui vel donorum, ut pote maiestatis et gloriae in assumptam naturam collatarum, respectu naturam creatam vel finitam creanti et infinitae exaequant, ac cum Eutychetae iam
