Thury Etele szerk.: Magyar protestáns egyháztörténeti adattár. VII. Budapest 1908.

XXI. Az 1603. évi murányi zsinat kánonai

3. Qui data próba a parochianis vocantis loci idoneus censetur, non mox totaliter suscipiatur, sed quosdam parochianos, seniori, aut etiam si tempus fert, toti consistorio sistatur, ubi de vita, moribus, pietate, eruditione et professione eius exploratio fiat, et legantur, si quae habet, prioris conservationis testimonia. 1. Timoth. 3. 4. Dignus habitus ministerio et nondum initiatus, pro sacris ordinibus expediatur cum litteris commendatoriis a tota fraternitate ut legitime vocati, et sponte currentis clarum discrimen appareat. Jeremiae 23. 5. Ab ordinatione reversus litteras, commendati sibi ministerii seniori, vel vicinis pastoribus exhibeat, priusque plenarie ullum sacrum peragat. Easdem litteras ordinationis suo tempore toti fraternitati porrigat. 6. Ritus introducendi nóvum pastorem ubi in usu est observari debet, propter evidentes casus nimirum instituendi et adhortandi, cum ipsum ministrum, tum auditores, quin et agendi, de parochiae proventibus. 7. Novus ecclesiae minister, dum habetur generalis synodus, honorifice petat se recipi, in almam hanc fraternitatem, ubi subscripto nomine suo, et promissa obedientia pro incorporatione, deponat florenum hungaricum, in cistam. 8. Nemo ab ecclesia ad quam vocatus fuit repente discedat, sed ob gratitudinem, ad minimum unum annum exigat etiamsi a parochianis eunti pro ordinibus, nulluni viaticum datum fuerit. 9. Ut alius alium supplantet, aut fraude se in parochiam ingerat, ut hactenus, in hac pia fraternitate non auditum fuit, ita in posterum prohibitum esto sub poena eiectionis fratrum, bene meritorum promotionem omnes adiuvabunt. 10. Adveniens aliunde minister afferat testimonium, discedens hinc petat testimonium, pro quo, in decisi unum florenum hungaricum deponat. CAPITULUM II. De doctrina ministri ecclesiae. 1. Ut legitime vocatus, et ordinatus minister, saluti feram doctrinam, recte percipere et aliis dextra tradere possit, imprimis ardenter invocet Deum Psalm. 119. Illumina oculos meos, ut videam mirabilia in lege tua. Psalm. 25. vias tuas Domine demonstra mihi etc, 2. A precibus, ad lectionem librorum se conferat, habeat autem Sacra Biblia, Corpus Doctrinae, Catechesin Lutheri,