Stromp László szerk.: Magyar protestáns egyháztörténeti adattár. IV. Budapest 1905

3. Pathay István és Kanizsai Pálfi János levelezése. (1607—1636.) — Thúry Etele

PATHAY ISTVÁN ÉS KANIZSAI PÁLFI JÁNOS LEVELEZÉSE. 55 8. Pathay István Kanizsai Pálfi Jánoshoz. Dilecte in Domino fili, salve plurimum! Juvenis ille a quo tuas literas accepi, in reditu, ad me non divertit, atque sic opportunitatem rescribendi praescidit: salva tamen res est, alter (licet tempore satis prolixo interiecto) mihi oblatus est tabellarius Cocus Vincentius, qui et fideíior est, et forsan velocior illo. Testimonio res non eget, tota aula Domini nostri gratiosissimi testatur, coniugem ipsius male a suo marito discessisse cum quodam rivali, a quo etiam impraegnata fuisse fertur, marito in vinculis existente: quem ipse Vincentius e vinculis solutus incarceratum curaverat Sarvarini: sed nescio quo hominum favore acciderit, an largitionis clave fores sint patefactae, elapsus est: quid turpis avaritia inexpertum relinquit ? Si magistratus desertricem, et adulteram puniverit, bene; si non, Cocus nihilominus liberabitur a lege desertricis. Porro mi fili, tuum est Dominum Magnificum, de loco et tempore synodi certificare, et rogare, ut sua Magnifica clementer hospitium ecclesiae, caput in sinum suae Magnificae audacter reclinanti praebeat, iubeatque Castaldo, quem audio alienum esse ab orthodoxa confessione, ne nobis obstaculo sit. Imo, si fieri potest, et oneri non sumus, pro sua dementia et innata pietate, aliquo etiam subsidio esse dignetur, Deus suae magnificentiae benedicet. Hasce tuis adiunctas, ad Kővágó-Eörsienses scriptas, trade idoneis, quos tu aptiores fueris arbitratus, ministris perferendas: qui hortentur vocentque ad synodum, inordinatum illum et temere manus ad turibulum admoventem: si fraternam invitationem sequi noluerit, cogatur, cum licentia suorum auditorum; nam illis renitentibus, non sumus pares, sine brachio seculari, ad vim inferendam. Vale fili, cum tuis omnibus optatissime, ego, ut solent aetate victi, valeo! Laus sit Domino. Datum in Zalonakii 5. Novembris. Anno 1613. Tui amantissimi sine dolo P. S. Dominum Basilium Fölső, communem nostrumamicum, saluta meo nomine. Kívül: Eximiae eruditionis, et syncerae pietatis laude ornatissimo viro, Domino Joanni Paulidi Canisaeo, ecclesiae Papensis ministro fidelissimo, certarumque ecclesiarum seniori vigilantissimo, filio suo charissimo. Stephanus Pathaynus.