Stromp László szerk.: Magyar protestáns egyháztörténeti adattár. III. Budapest 1904.
3. Pathay István, Kanizsai Pálfi János, Alvinczi Péter, Csatári György, Samarjay János, Csene Péter és Pécselyi Király Imre ref. papok levelei 1620—1636. (Thúry Elemér)
nostrae precio an aliquid tua fideli industria effeceris, de eo quoque doceri volo. Ego spero, tu labora, Deus operetur. Siquid praeterea habueris, quod nostris auribus dignum putaveris, quaesita occasione ad me scribas, rogo. Vive cum tuis omnibus diutissime et felicissime Amen. Datum Papae Postridie Galli Anno 1629. Tuus sine dolo Stephanus Pathainus superintendens. Kívül: Eximiae eruditionis laude ornatissimo Viro, Domino Joanni Paulidi Canisaeo, ecclesiae Német-Ujváriensis ministro fidelissimo, et districtus eiusdem ecclesiarum seniori vigilantissimo etc. Domino fratri in Christo odservanter colendo. N. B. Hoc anno evasit Belényesinum Clarissimus Doctissimus Dominus Stephanus Pathai superintendens, ut successit in episcopatu Celebris et Venerabilis Dominus, Dominus Joannes Paulides Canisaeus, anno eodem 1629. 23. Kanizsai Pálfi János püspök Gál Imre veszprémi lelkész és alespereshez. Tibi venerande domine Emerice, tuisque omnibus, pacem ab ipso Domino pacis sempiternam, in omni loco praecor, officiaque charitatis debita, fide fida, polliceor et defero I Modestia tua quam tutissimam animi armatúrám Basilius Magnus esse testatur, qua et in te ipso reapse, et tuis in literis verbis emphaticis sat facunde te ipsum extenuas, meaque dilectione, quae est in Christo atque adeo etiam tui solicitudine indignum ducis et dicis, facit, ut te longe amem impensius, quam si altos duceres spiritus, tibique multum tribuere viderere. Qui sibi ipsi displicet, is et Christo Domino, et aliis piis in Christo perplacet. Qui seipsum coram Christo accusat, eum Christi benignitas excusat, qui se condemnat, gratiose eum iustificat. Arbor quo sterilior eo ramis coelum versus erectior, quo autem feracior eo vergit in terram declivius et pronius. Humilitas est, mellifluo Bernhardo teste, virtutum omnium turris et propugnaculum, qua nisi custodiatur, peribit omne, quicquid a nobis agitur. Tua tuorumque de valetudine. quantum tibi gratuler, facilius est tibi animo cogitare, quam mihi, homini occupatissimo ; praesenti in epistola ad vivum exprimere. Ocelli mei caligationi pedetentim advicinantes, nullo collyrio magis levantur,
