Stromp László szerk.: Magyar protestáns egyháztörténeti adattár. III. Budapest 1904.
3. Pathay István, Kanizsai Pálfi János, Alvinczi Péter, Csatári György, Samarjay János, Csene Péter és Pécselyi Király Imre ref. papok levelei 1620—1636. (Thúry Elemér)
quae a 5. martii decumbit sat graviter, Deo sint gratiae vivit sub protectione Dei ipsius. Vestra consultatio cum dominó Joanne Paulide habita de annuentia dominae Magnificae acquirenda et impetranda (de qua nec ipse dubito) de ecclesiarum necessaria visitatione, uno hoc ipsum per necessarium iudico et consulo, antequam generaliter confluamus. Laudo et consilium et stúdium vestrum de köveskutiensi ecclesia, et domini Sabaraei ad Eörienses transmissione, eumque arbitror longe convenientiorem regendae illius ecclesiae. Dominus Basilius ad Dozmatienses aptissime transiebit ; si non vicinitatis iniuria fuerit prohibitus. Reliqua Deo favente, et conatus nostros promovente promovente, in synodo complanabimus. Unum adhuc est, quod eos scire et facere vellem Nimirum quacunque ratione fieri potest, germanicarum ecclesiarum ministri erunt visitandi praesertim dominus Volfgangus Rohoncziensis, rogandusque ne se suosque, a nostro coetu aliqua ratione avelli patiatur. Quam vellem, si de eorum mente certior fieri possem. Orate, vigilate, et laborate domini benedicti. Unus ex fratribus Trans Danubianis, fűit mecum Benedictus Pathonay. quem ubi morbo, quo nunc pressus decumbit, solutus fuerit, in Mező-Lakiensem ecclesiam, cui iam commendatus est collocabimus. Portiorem praesentium adiuncto tecum dominó Petro Briccio, commendate dominis Radocziensibus ea conditione, ut ordinationis ipsius curam ecclesia in se recipiat. Reliquum est, ut te petam, si quos ex vestris ad nos ituros praemiseris, ne sine tuis literis, tuae tuorumque salutis et status ecclesiarum vestris vigiliis subiectarum, nuntiis ad nos venire sinas, hoc pacto nihil tibi derogatum, mihi vero gratum iri scias velim. Vale, mi fili, et felicissime et diutissime. Amen. Datum Papae, 10. martii 1627. Tims sine dolo Süphanus Pathainus. Kívül: Eximiae eruditionis laude Ornatissimo viro, Domino Stephano Szilágyi, fidelissimo ecclesiae Vépiensis ministro, et ecclesiarum circumiacentium seniori vigilantissimo, Domino Fratri in Christo, filii loco observanter colendo.
