Stromp László szerk.: Magyar protestáns egyháztörténeti adattár. III. Budapest 1904.
2. Adatok a XVIII. század első felében tartott református konventek történetéhez. (Zoványi Jenő)
Patak, Tállya et multis aliis in locis frequentis numeri celebrare Conventus (detestantibus aliis quam perplurimis ejusdem confessionis hominibus audax hoc eorum factum) non sunt veriti. Quibus quidem non verbalibus solum, verum etiam literotenus intervenientibus in praecitato articulo 31. fundatis contradictionibus et protestationibus solenniter ex homagiali in Sacratissimam Majestatem Vestram Caesareo-Regiam legumque patriarum observandi studio Clarissimi duo viri D. Andreas Füleki et D. Stephanus Azari contraveniebant, ex quo irreconciliabile nonnullorum Calvinianorum in illos concitatum est ódium, ita quidem, ut quaesitis sub praetextibus eosdem innocentes et laudem ac praemium potius quam poenam merentes inique et crudeliter jam ante sex annos oppresserunt et nunc etiam quantum in eorum facultatem situm est, in dies opprimunt unde omni prorsus destituti consolatione dicere possunt de praeattacto articulo 31. id quod seribit Sanctus Paulus Rom. 7. 10 : Lex quae ipsos vivificare debebat, facta est ipsis in mortem seil civilem. Hinc factum, quod jam nullo adversus eosdem et eorundem sub variis titulis celebrari consvetis Conventibus audente contravenire, imo vel saltem hiscere, ipsi audentiores facti licentiosius frequentis numeri congregationes variis in locis celebrare non reformidant, indicio est (caeteris nunc praetermissis) Conventus satis frequentis numeri Tallyae apud aedes Dominae viduae Alexandri Plathy duobus diebus in mense novembri Anni 1722. (quibus ejusdem mensis diebus, ipsi Professores et Studiosi neenon ipsi consistoriales referre poterunt) stante moderna Diaeta Posoniensi cum praevaricatione etiam saepius praenotati artic. 31 celebratus. Quae fuerint ejusdem Convent. acta, et cum variae Professoris D. Joh. Tsetsi haereses signanter ejusdem sub sacra Regni Hungáriáé Corona nunquam ante altis temporibus auditus Nestorianismus a quibusdam ejusdem Conventus commembris dum in medium produceretur, qui fuerint in eodem Consistorio, qui eosdem pro D. Joh. Tsétsi disposuerunt et quibus argumentis (cum necessarium sit nosse) ipsi consistoriales et praeter eos D. Gregor. Nagymihályi D. item Steph. Azari et forte etiam D. Andr. Füleki occasione p. t. vindemiatieuis vineae suae Patachiensis aliquid ea in re expertus referre valebunt. Haec sunt Augustissime Imperator, quae ex homagiali in Sacratissimam Vestram Caesareo-Regiam Majestatem fidelitate ac devoto in dulcissimam Patriam affectu Sacratissimae Vestrae Majestati ingenue referre et volui et debui. Nomina eorum, quae (!) in Tallya erant congregati :
