Stromp László szerk.: Magyar protestáns egyháztörténeti adattár. II. Budapest 1903.
1. Ág. hitv. ev. zsinatok a bécsi béke előtt. (Thury Elemér) - XII. Murányi és Kishonti czikkek, 1596
evangélium, et doctrinam prophetarum et apostolorum, pure et sincere contradicendo omnibus fanaticis spiritibus. Corraboratus in spiritu, et veritate coeles plantet. Esai 51. Item turbatores verarum ecclesiarum quicumque sint, non sunt ferendi in ecclesia Christi, sed emaneantur, et verbo divino. secundum opera sua excommunicentur. Magistratus politicus tales e medio tollat, tanquam inutiles, gladio, et vi politica, ne suo diabolico foetore ecclesiam Christi conspurcent defoedentque ac sic animos hominum in perniciem abducaret, quod singulis summe erit invigilandum. 6. Pastores legitime vocati, ab aliqua ecclesia, non privato consilio sese ingerant, sed consensu senioris et totius consistorii introducantur, habita concione probae, assumtis duobus vel uno parochiano domino seniori se sistat, ut ab ipso exploratione professionis facta approbentur et commendentur. Posthac examinati de religione et cultu divino, de literis ordinationis, publicae incorporationis, amplexione evangelicae doctrinae, et totius obedientiae suscipiantur, et articulis subscribant. 7. In concionando nemo suum ostentare debet ingenium coram simplicibus, nec moveat quaestiones arduas et perplexas, sed sequatur methodum, ad captum auditorum aptam. Ubi vero contigit, praesentia eximiorum et doctorum virorum, habita ratione auditorum, loci, temporis, et personarum, liberum sit. 8. Sedulus et diligens pastor saepe auditores suos moneat, ut sacram synaxin accedant, nec ad ultimum vitae halitum poenitentiam differant, iuxta illud Augustini: Poenitentia sera, raro est vera. 9. Quilibet fratrum sit intentus in vicinum suum, et si deprehenderit eum, vel in vita, vel in moribus a vero tramite morum discedere, eundem fraterne moneat, ut resipiscat intra sese, ut Christus mandavit. Math. 18. et naevos atque delicta, in quantum non sunt contra conscientiam tegat Hebr. 12. Nemo enim sine crimine vivit ; nec enim diffamet coram plebeis, sed promoveat, et omnia in bonam partein interpretetur. Petr. 3. Dilectio coeperit.
