Stromp László szerk.: Magyar protestáns egyháztörténeti adattár. II. Budapest 1903.

1. Ág. hitv. ev. zsinatok a bécsi béke előtt. (Thury Elemér) - XVI. A felsőtrencséni ev. egyházmegyének az 1600. évi január 12-diki bittsei zsinaton kihirdetett törvényei

8. Victu, quem ministro ecclesiae Deus largitur, contentus esto, neque regales dapes ab eo postulato: aut de tabula honeste cum eo transigito. 9. De iniuriis sibi a pastore forte illatis, primum cum ipso privatim agito. Deinde si hac via non suffecerit, coram domino seniore et fratribus, non plebeis queritor. Denique ad magistratum, si res ita postulaverit, confugito, iuxta Christi institutionem et legem charitatis. 10. In schola assiduus esto, et peregre etiam magna necessitate urgente profecturus, pastorem (imo interdum et patronos, si iter longius) salutato: quo prohibente domi se contineto. Saepe enim videt pastor, citra iustam causam eum velle evagari, et munia vocationis suae temere negligere, nulla existimationis et conscientiae habita ratione. 11. Ut in templo omnia graviter, pie et ad aedificationem ecclesiae cantari queant, prius in schola iuventutem exerceto. 12. Litanias et psalmodias, etiamsi forte pastorem abesse contigerit, non negligito. 13. Ne pulsus matutini, meridiani et vespertini negligantur, operám dato. 14. Vocatus in contubernium per dominum seniorem, compareto.