Stromp László szerk.: Magyar protestáns egyháztörténeti adattár. II. Budapest 1903.

1. Ág. hitv. ev. zsinatok a bécsi béke előtt. (Thury Elemér) - XVI. A felsőtrencséni ev. egyházmegyének az 1600. évi január 12-diki bittsei zsinaton kihirdetett törvényei

3. Nemo usurarius, fratrum calumiiiator, traductor, percussor, sangvinis effusor, adulter, fur, nixosus, ebriosus, saltator, legum contemtor, periurus, maledicus, obscoenus et scurrilis iocator esto, in disciplina donum suum contineto. 4. Ab ingressu aedium infamium abstineto, malorum familiaritates, consvetudines, et congressiones fugito, qui secus egerit punitor. Quodsi cum malis conversari usu veniat, ita sociator illis, ne mali quodpiam cum eis committas, aut committentibus faveas. Sancta conversatione confundito inimicum, aedificato proximum, glorificato Deum. 5. Conviviis raro interesto: quodsi honestis loco honesto, et cum personis honestis interessé contingerit modestiae Christianae et tui officii ne obliviscitor. 6. Ad cauponas tabernasque publicas ne accedito. In vino virum te ne probeto, nec vino aut cerevisia obrutus in publicum cum scandalo egreditor. 7. Te ministrum Christi, et dispensatorem niysteriorum Dei fidelem factis probato, non verbis, et sic ecclesiam Domini, tuo potius exemplo, quam alieno impingvato. Summa: sic vivito, ut loqueris, et loquitor, ut vivis, quemadmodum de Origene proditum est. 8. In messem alienam, ne tuam immittito falcem, tua sorté et tua ecclesia contentus esto: quisque enim de suis auditoribus rationem reddet. Quodsi contingat quempiam fratrum iustis de causis, peregre abesse, aut graviore morbo distineri, partes officii eius absque spe lucri et mercedis obeunto. Secus faciens mulctabitur fl. 12. 9. Diaria, sive ephemerides, in quibus baptisatorum, copulatorum, ac mortuorum dies ac nomina annotentur, conficito,