Stromp László szerk.: Magyar protestáns egyháztörténeti adattár. I. Budapest 1902.

9. Kocsi Csergő Bálint „Narratio brevis de oppressa libertate Hungaricarum ecclesiarum" cz. müvének X—XI—XII.fejezete. (Balogh Elemér.)

cimina, quae paulo ante ab Antichristi Ministris passus erat; primum ad Reversionalium puncta, in depositionem officii Ecclesiastici se compromittit; sed cum distinctius animam verteret, hanc subscriptionem Reversalium eo solum excogitatum, ut per earundem obligationem ad Apostasiam pertraheretur; animose renunciat huic proposito, et cum aliis licet senex, inniimeras molestias subire non dubitat, Sustentabatur separatim ab aliis in solo pane nigerrimo et durissimo et sola aqua. Custodiebatur in Tugurio quodam, ex tenniore assere constructo et ibidem, ringente Borea in Mense Novembri et Decembri liberó aeris perflatui et inclementiae expositus, intertenebatur. Ad Missaticum cultum saepius vestium tenus trahebatur. Ante templum Leopoldopolitanum, cum semitas pro Sacramento deportando exaequaret, et non adoretur per sanguinolentas Ludimagistri Leopoldopolitani Johannis Bene, manus horrende percutitur, et in capite gravissime vulneratur. Aequo et patienti animo haec omnia tolerabat. Leopoldino Anno 1675. 18. Mártii eductus, per innumera discrimina ad Provinciám usque Aprucii in Itália sitam, abigitur. In praeruptis et saxosis hujus Aprucii montibus, fame siti, nuditate, et verberibus exhaustus defatigatur. Simul ex inedia contractu morbo dysenteriaco vexatus, Asellorum molesto successu, omne iter continuare cogitur. Iniirma et tarda haec Animalia, cum imparia essent, tanta celeritate deportare miserum senem, quanta vellent ipsi Carnifices; non Asellus sed Senex (horrendum dictu!) vapulat, tamdiu, donec post quatuor dies verberibus conficeretur. Et haec verbera non a gregariis Militibus, sed ab ipsius Militiae Ducibus Capitaneo nempe et vexillifero afflicto seni imponuntur. Deductus statim specificato modo Pesculopenatarium, rogatur enixe Capitaneus, ut Virum, jam jam animam agentem relinqueret, spatiumque illi ad moriendum quietum indulgeret; non impetratur, sed injicitur 28. Apr. asello, et ex Captivis duo adhibentur, qui utrinque Senem, brachio apprehensum, sustinere, et a casu jam omnibus viribus et sermone destitutum prohibere tenentur. Verum non multum suffulcire possunt, egressis enim Pesculopenatorio, per praecipitia montis descendendum erat: ubi cum beatissimum Märtyrern neque commode sustentare possent (altera enim manu sua ferramenta tenebant, seque a casu tuebantur) neque se ipsum senex a lapsu prohibere ullatenus valeret; corruit Senex. Et cum ulterius de terra sublevari non posset, vestibus omnibus per carniíicem illum capitaneum Georgium Gemanner, exuitur, et ibidem secus viam